Логотип

«Татар мамык шәле» бренды нәрсә ул?

24 Декабрь 2021 - 14:28
10846
0
2

«Корстон» сәүдә-күңел ачу үзәгендә «Татар мамык шәле» коллекциясен тәкъдим итү кичәсе булып узды. 
«Татар мамык шәле» брендын булдыручылар – Оренбургта яшәүче Әпсәләмовлар гаиләсе безнең журнал укучыларга күптән таныш. (Укыгыз:http://syuyumbike.ru/news/uspeh/yly-bolyt-kochagynda ) Фаил белән Альбина бу эш белән инде 23 ел шөгыльләнәләр.  Алар җитәкләгән «Оренбург шәлчеләре» предприятиесен Россиянең бик күп төбәкләрендә беләләр. Әгәр  каршылыклар булмаса, «татар мамык шәле» бренды аша, үз производстволары белән алар хәзер Татарстанга керергә дә әзер. Сүз уңаеннан, кичә барышында аларга инде берничә эшлекле тәкъдим ясалды да. Димәк, тиздән Казанда да «Оренбург шәлчеләре» предприятиесе филиаллары ачылачак.  
Бүген алар тәкъдим иткән шәлләр дә, ассортимент та элеккегеләрдән шактый аерыла. Кунакларга бигрәк тә коллекциянең шәл тукымасыннан тегелгән күлмәк һәм жилетлар күрсәтелгән өлеше ошады.  Аларны теләсә кайсы чарага кияргә мөмкин. 
«Татар хатын-кызы иңнәрендәге мамык шәл – милләтебез байлыгы, – диләр Әпсәләмовлар. – Халкыбызны гасырлар буе җылыткан, илһамландырган хәзинәләребезнең берсе ул. Соңгы берничә гасыр эчендә халкыбыз туган җирен калдырып кайда гына китсә дә, әлеге һөнәрне онытмаган. Шәл бәйләү татар хатын-кызын дөнья көтәргә: йорт-хуҗалыгын алып барырга, балалар үстерергә, аякка бастырырга булышкан. Бу һөнәр аны сабыррак, түземрәк, көчлерәк иткән».

Динара ИСКӘНДӘРОВА фотолары 

Галерея

Комментарий юк

Хәзер укыйлар