Салават Фәтхетдиновның гаиләсе ишәйгән

Татарстанның халык артисты Салават Фәтхетдиновка Саба районында узган концерт вакытында ак кәҗә бүләк иткәннәр.  

– Бәләкәй димәгез, кризис булгач, кәҗә генә бүләк итәбез. Икенче юлы ат әзерләп куярбыз, – дип шаярталар сәхнәдә бүләк бирүчеләр.   

Бераздан Салават Фәтхетдинов тамашачыларга кәҗәгә исем эзләргә ярдәм сорап мөрәҗәгать итә.  

– Минем кәҗәм бар иде инде. Тагын берәү булды. Әйдәгез, исем эзлибез,  – дигән ул.  

Инстаграмдагы язылучылар ап-ак кәҗәгә “Элвин Грей”, “Бүләк”, “Акбикә”, “Ковид”, “Шыңарбикә”, “Зәкия”, “Белоснежка” кебек исемнәр тәкъдим иткәннәр.