Алсу Фазлыева: “Кулдан килгәннең барын да эшләдек”

Җырчы Алсу һәм Азат Фазлыевларның гаиләсенә зур кайгы килгән. Алсуның әтисе үлгән.

– Хуш, Әти!!! Син зур йөрәкле, бик ярдәмчел, бик тырыш, районның алдынгы, Татарстаннын Атказанган техник хезмәткәре, безнең яраткан Әти идең! Бик иртә киттең! Кулдан килгәнчә барын да эшләдек...
Урының жәннәт түрләрендә булсын!
Без Сине бик Яратабыз, – дип хәбәр иткән иде.

Соңрак билгеле булганча, Алсуның әтисе соңгы араларда нык авырган, үпкәләре эшләми башлаган икән. Азат Фазлыев әйтүенчә, ул аннан: “Кияү, җиңәбездер бит?” – дип сорый торган булган. Азат исә аңа: “Әйе”, –  дип җавап биргән. Ләкин... кызганыч, авыр чир җырчыларның якын кешесен аямаган. Исегезгә төшерәбез, бер ел элек Азат үзе дә әнисен югалтты.