18-23 ноябрь көннәрендә Казанда узачак мөселман лидеры мәктәбе шулай атала. Әлеге мәктәпне КФУның халкара мөнәсәбәтләр, тарих һәм шәрыкне өйрәнү Институтының ислам мәгарифен һәм исламият фәнен үстерү Ресурс үзәге Татарстан Диния нәзарәте һәм Россия ислам институты ярдәмендә оештыра.
Мөселман лидеры мәктәбенең төп максатларының берсе – яшь мөселманнарны социаль яктан активлаштыру, булган потенциальны җәмгыятькә файда китерүгә юнәлдерү һәм халыкка ислам кыйммәтләрен аңлату. Биш көн дәвамында яшьләр ислам дөньясына билгеле шәхесләр – Татарстан Җөмһүрияте мөселманнарының Диния нәзарәте мөфтие Камил хәзрәт Сәмигуллин, Чуашстан мөселманнары мөфтие Альбир хәзрәт Крганов, Саратов өлкәсе мөфтие Мөкәддас хәзрәт Бибарсов һәм башкалар белән очрашачаклар; лекцияләр укылачак, тренинглар узачак. «Мәхәллә 2.1» мәктәбендә катнашучы һәркем ахырда үз проектын булдырып, аны тормышка ашыру юлларын билгели ала.
Мөселман лидерлары мәктәбе үзенең эшен 23 ноябрь көнне фестиваль белән тәмамлаячак.
Гөлнур Хәсәншина,
Комментарий юк