Күбрәк бала табарга һәм рәхәт яшәргә! 

«Больше рожать и здорово жить» проектының авторы. Проектның максаты – хатын-кызларны аңлы рәвештә ана булырга әзерләү, йөклелекнең хәвеф-хәтәрсез узуы, сәламәт балалар тудыру.Аннаның диплом эше әлеге проектка нигез булган. «Хәзер бала табучыларга дәүләттән ярдәм каралган. Мәктәпләр, балалар бакчалары ачыла. Күп бала табу норма булырга тиеш», – ди Анна Прохорова.    

Хатын-кызларының сәламәтлеген ныгыту һәм саклауны күздә тотып уйлап табылган әлеге проект булачак әниләр өчен иң яхшы профильле белгечләрне туплаган комплекслы күпформатлы программа, һәм ул бушлай. Әлеге проект 18–45 яшьтәге авырлы хатын-кызлар өчен, һәм ул Россия Президенты грантына ия. Йөкле хатын-кызлар әлеге сессиядә катнашып,  2 көн эчендә акушер-гинеколог лекциясен тыңлый, йөкле ханымнар өчен диетологиядән семинарда катнаша, перинаталь йога, йөклелек чорында һәм бала тапканда сулау техникасы, яңа туган баланы имезү буенча прктик дәресләр ала, эмоциональ стресстан бушанырга өйрәнә, мастер-классларда күп нәрсә үзләштерә. Берьюлы 60 хатын-кыз, 3 төркемгә бүленеп, сессиядә катнашкан. Ел дәвамында бу программа йөкле хатын-кызлар өчен дүрт тапкыр үткәрелгән, 240 хатын-кыз әлеге проектта катнашкан. 17–18 августта булачак әниләрне 3 нче сессиягә көтәләр.   

Социаль челтәрләрдән эзләгез: Rozhat_zdorovo, 

Vk.com/rozhaemzdorovo.