Җирле үзидарә органнарында коррупцияне кисәтү

Шушы темага багышланган матбугат конференциясендә катнашучы Татарстан Республикасы Президент Идарәсенең коррупциягә каршы сәясәт мәсьәләләре буенча оештыру бүлеге мөдире Алексей Панкратов, Чистай һәм Нурлат муниципаль районнары башлыклары Дмитрий Иванов һәм Равил Кузюров журналистларны районнарда коррупциягә каршы көрәш чаралары белән таныштырды.

Алексей Панкратов: «Коррупциягә каршы көрәш системалы, эзлекле, үтә күренмәле булырга тиеш! Халыкка иң якын торучы бердәнбер орган – ул район хакимияте».
Дмитрий Иванов: «Россия Федерациясенең коррупциягә каршы көрәш буенча кабул ителгән программасы нигезендә эшлибез: бу темага багышлап утырышлар үткәрәбез, оештыру эшләренә анализ ясыйбыз, буклетлар чыгарабыз, бюджетның үтәлешен ныклы күзәтү астына алабыз».
Равил Кузюров: «Коррупция, ришвәтчелек очракларын ачуда район хакимияте хезмәткәрләренең халык белән очрашулары зур нәтиҗә бирә. Халык килә икән, димәк, алар безгә ышана. Бу эшкә хәзер яшьләр дә кушылды.»

Алексей Панкратовның әйтүенә караганда, коррупция – ул яман шеш авыруы сыман. Коррупцияме, юкмы икәнлеген ачыклавы да бик кыен. Коррупция үтеп кермәгән бер генә өлкә дә юк. Шуңа моңа каршы көрәштә дәүләт органнары халык ярдәменә таянырга тиеш тә.