ИЛНАЗ ПИРКИН БЕЛӘН БУЛГАН ХӘЛНЕҢ СЕРЛЕ ТАРИХЫ: "БРАТВА", ҮЗ-ҮЗЕНӘ КУЛ САЛУ ҺӘМ ПОЛИЦИЯ ХЕЗМӘТКӘРЛӘРЕН КУЛГА АЛУ

22 яшьлек Илназ Пиркин үз-үзенә кул салып, хушлашу видеомөрәҗәгатендә үз үлемендә полиция хезмәткәрләрен гаепләгәннән соң, Түбән Кама шәһәрендә чын мәгънәсендә шау-шу купты. Яшь егетнең үлеменнән соң ТР Тикшерү комитеты өч полиция хезмәткәренә карата җинаять эше ачты. Әлеге буталчык хәлне "Татар-информ" мәгълүмат агентлыгы хәбәрчеләре ачыкларга тырышты. 

22 яшьлек Илназ Пиркин 19 октябрьдә үз-үзенә кул сала. Үлеме алдыннан егет видеомөрәҗәгать яздырып калдыра, анда ул үзен кулга алган һәм җәзалаган полиция хезмәткәрләрен гаепли. Оператив хезмәткәрләр аны кыйнаганнар, противогаз кидертеп кислород килүне каплаганар, дип белдерә. 

Әлеге хәлдән соң ТР Тикшерү комитеты җинаять эше ача, өч оператив хезмәткәр кулга алына һәм тикшерү изоляторына озатыла. 



"Татар-информ" мәгълүмат агентлыгына билгеле булганча, 15 октябрьгә каршы төндә Илназ Пиркин үзенең дус егете  белән 14 модель "Лада" машинасыннан магнитола урлый. Бу машина Түбән Камада яшәүче ханымныкы була, ләкин автомобильдә аның абыйсы йөргән. 

Ханым полициягә гариза яза һәм "Урлау" маддәсе буенча җинаять эше ачыла. Бу вакытта ханымның икенче бер абыйсы "Авито" сайтында апасының машинасыннан урланган магнитоланы сату буенча белдерү күрә. Туганнар Казанга, белдерүне биргән кеше янына киләләр. Ул Гимадиев фамилияле кеше булып чыга. 

Агентлык мәгълүматлары буенча, сөйләшү җиңелләрдән булмаган - Гимадиев магнитоланы кайтара һәм үзенең арадашчысының исемен атый - ул Илназ Пиркин була. 

Шуннан соң туганнар Пиркинның эзенә төшәләр. Чыганак мәгълүматлары буенча, алар егетне урманга алып чыгалар һәм кыйнылар, шулай ук тиз арада бурычын кайтаруны да сорыйлар. 

Бу вакыйгалардан соң Илназга полиция хезмәткәрләре чыга, алар урланган магнитола хуҗасы язган гариза буенча эзләү эшләре алып барган булалар һәм "Авито" сайтындагы белдерүгә юлыгалар. 

"Татар-информ" агентлы мәгълүматлары буенча, Илназдан адвокат янында сорау алалар. Моннан тыш, тикшерүчеләрдә полиция бүлегендә төшерелгән видеоязма да бар, анда күренгәнчә, егет коридорлар буйлап ирекле рәвештә йөри, хәтта полиция хезмәткәрләре белән тәмәке тартырга да чыга. 

Оператив хезмәткәрләрне кулга алганнан соң, алар бүлмәсендәге противогазлар да тикшерү өчен алына. "Татар-информ" агентлыгына мәгълүм булганча, аларның берсендә дә Илназ Пиркинның ДНКсы табылмаган, ә противогаз хуҗаларының ДНКсы хәтта артыгы белән була. 

Илназның әнисе Гүзәлия Пиркина сөйләвенчә, аның улы дусты Айнур белән бәхәсләшкән була, видеода Илназ шул хакта белдерә. 

Гүзәлия ханым сүзләренчә, видеода Илназ, Айнурның үзен төрлечә үртәгәнен, җинаять эшләренә җәлеп иткәнен әйткән. 

"Дустына киресен исбатларга теләп, Илназ бикле машинаны ача һәм аннан магнитоланы урлый. Видеода урлаган әйберне машина хуҗасына кайтардым һәм конфликтны җайга салдым, дип белдерә. Илназ үзенең бу адымын бердәнбер зур ялгышы дип саный", - дип сөйләде Гүзәлия ханым. 

Әнисе сүзләренчә, Илназны күмгән вакытта, хокук саклау органы хезмәткәрләре урлауда катнашы бар дип, Айнурны кулга алалар. Тик соңыннан ул, ни сәбәрледер, гаепләнүчедән шаһиткә әйләнә. 

"Татар-информ" агентлыгы кулга алынган полиция хезмәткәрләренең адвокатлары белән сөйләште.

«Полиция хезмәткәрләренең Илназ Пиркинга карата хокук бозу буенча гаепләре танылмаган һәм исбатланмаган, кулга алу һәм суд утырышы вакытында моны тикшерүче дә аңлатты. Ул, җинаять эшендә полиция хезмәткәрләренең гаебен исбатлаучы дәлилләр юк, дип белдерде. Шулай ук тикшерүче, Пиркинның тәнендә, биеклектән егылудан алган җәрәхәтләр генә бар дип белдерде. Башка җәрәхәтләр, шул исәптән, зыян күрүче үзе әйткән имгәнүләр дә юк», - дип белдерде адвокат Сергей Сычев.

Адвокат сүзләренчә, Илназ видеода, полиция хезмәткәрләренең аны урманга алып чыгуларын һәм кыйнауларын сөйли, ләкин тикешерүчеләрдә видеокүзәтү камерасыннан алынган мәгълүматлар бар. Язмада күренгәнчә, Пиркинны кулга алып аны Түбән Каманың Эчке эшләр бүлеге идарәсе бинасына алып кергәнче 10 минуттан артык вакыт узган – бу кулга алу урыныннан полиция бүлегенә кадәр юл арасы.

«Противогазлардагы эзләрне ачыклаучы суд-генетик экспертизасы нәтиҗәләре белән әлегә танышмадым, ләкин аның бернинди дә нәтиҗә бирмәячәгенә һәм Пиркинның биологик эзләре табылмаячагына ышанам. Эчке эшләр бүлеге идарәсе бинасында булганда Илназ Пиркин берничә тапкыр полиция хезмәткәрләре белән тәмәке тартырга чыга, кибеткә бара, азык-төлек ала, бу күзәтү камераларында теркәлгән. Үзен тыныч тота, кулында богаулар булмый», - дип бүлеште кулга алынган полиция хезмәткәрләренең адокаты. 
Сергей Сычев сөйләвенчә, Пиркиннан сорау алган вакытта аның янында адвокат булган. Илназның аның белән үзе генә калып сөйләшү мөмкинлеге була, әмма ул тикшерүчегә дә, адвокатка да бернинди шикаять белдерми.

"Зыян күрүченең әйберләре арасында буш дару каплары табыла, безнең мәгълүматлар буенча, ул аларны үз-үзенә кул салыр алдыннан алган була. Илназ Пиркинның аларны куллануы һәм аларның кешегә нинди йогынты ясавы билгеле түгел. Моннан тыш, яклаучыларда, полиция хезмәткәрләре кулга алганчы, Илназны билгесез кешеләр тупас рәвештә машинага утыртып алып китүләре буенча мәгълүмат бар. Бу шулай ук күзәтү камераларына эләккән, видеоязма тикшерүчеләр кулында. Егетне кайдадыр алып баралар, ул бер сәгатьтән соң гына әйләнеп кайта. Егетнең кайда булуы, аны нишләтүләре билгесез. Шулай ук, вафаты алдыннан Пиркин, үзен кулга алганчы машинага утыртып алып киткән кешеләрнең берсе белән, ике тапкыр һәм телефоннан сөйләшә», - дип җиткерде Сергей Сычев.

«Хәзереге вакытта Илназ Пиркинның үз-үзенә кул салу сәбәбен атарга иртәрәктер дип уйлыйм. Шул ук вакытта, өч полиция хезмәткәренең ике айга кулга алынуы һәм аларны гаепләү законсыз дип саныйм», - дип тәмамлады сүзен адвокат.

Сүз уңаеннан, «Татар-информ» агентлыгына мәгълүм булганча, кулга алынган полиция хезмәткәрләренең берсенең хатыны, өч баласы һәм урын өстендә ятучы авыру әнисе калган – бу гаиләнең үз яннарында башка туганнары юк. Ә икенче хезмәткәрнең шулай ук өч баласы бар һәм алар хатыны белән дүртенче сабыйларын көтәләр.

Ничек кенә булмасын, әлеге шау-шулы тарихның бөтен нечкәлекләрен тикшерүчеләр ачыклар. Барлык тикшерүләрдән соң гына Илназ Пиркинның үз-үзенә кул салуында полиция хезмәткәрләренең гаебе булу-булмау ачыкланачак.

чыганак: http://intertat.ru/society/ilnaz-pirkinny-serle-tarikhy-urlau-bratva-z-zen-kul-salu-m-politsiya-khezm-tk-rl-ren-kulga-alu/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Дус кызымның ире икенче хатын алган  Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
    7622
    1
    53
  • Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
    5151
    0
    35
  • Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар. 
    2045
    0
    22
  • Бәхетемне сакламадым Һәр хатын-кызның үз тормыш тарихы, үз ялгышлары, үз үкенечләре. Әмма минем кебек беркатлылыгы аркасында үз бәхетен җимергән хатыннар бар микән ул?!
    3828
    0
    21
Реклама
Соңгы комментарийлар
  • 23 март 2023 - 11:56
    Без имени
    Башта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.
    Ничек дуслаштырыйм?
  • 22 март 2023 - 10:47
    Без имени
    «Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисез
    Оныгым минеке түгел...
  • 22 март 2023 - 09:46
    Без имени
    Менэ бу ирне жэллэп язгансыз, кешенен гаилэ тормышын белмичэ язып булмый бит, юньле ирдэн хатын китми, малаен курергэ тилмереп артыннан чабып йоргэнче, гаилэ бн яшэгэндэ кадерлэрен белеп яшэргэ булган дип тэ уйлап була, остендэге киемен утюклап кию кимэу кешенен узеннэн тора, аяксыз, кулсыз кеше тугел бит ул, утюклап кисен, хатын- кыз эш аты тугел бит ул, баласын карарга вакыты тисэ бик яхшы, ир- ат бала чага тугел, гаилэ коргач ул узе йорттагы ботен кеше очен жаваплы булырга тиеш, хатын жилкэсенэ менеп утырырга тиеш тугел!!
    Бер очрашу
  • 22 март 2023 - 14:07
    Без имени
    Улыгыз баланы яраткач, кысылмагыз. Безкапчыкта ятмый конечно. Ноикенче яктан, кешелэрбит детдомнан да алып устерэ
    Оныгым минеке түгел...
  • 23 март 2023 - 16:39
    Без имени
    Бу язманы бик дулкынланып,тетрэнеп укыдым,Аннан коментарийларны да укып чыктым,торле фикерлэр эйтелгэн,хэрберсе дэ дорестер дип уйлыйм.Куренекле шэхеслэрнен тормышын гади халык белми,курми бит,барысы да ал да гол кебек.Баксан, алай тугел икэн...Боек шэхеслэр бераз эгоистрак булалар шикелле,аларга кубрэк игьтибар кирэк,шуна курэ аларнын гаилэ тормышлары да ,яшэу рэвешлэре дэ бераз узгэрэк,ягьни каршылыклы,ямьсезлеклэр белэн чуарлана.Икенчедэн боек шэхес булыр очен узенне танытыр очен ботен гомеренне шул идеяга юнэлтергэ кирэк.Э ботенесенэ дэ житешер очен бик кочле рух,батырлык кирэктер дип саныйм мин.Андыйлар да бар сэнгать кешелэре арасында.Э шулай да Галимэ апаны актриса буларак бик яраттым,рольлэрен бик оста уйный иде.Э тормышына килгэндэ,нишлисен,беребез дэ эулия тугел,хэрбер кешенен дэ русча эйтмешли свои скелеты в шкафу
    Чибәрлек – матур кешенең сыңар канаты! 
Реклама
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату