Татарстан Республикасы Архив эше буенча дәүләт комитеты «Гаилә альбомнарын карыйк» бәйгесенең җиңүчеләрен бүләкләү тантанасында катнашты
20 октябрьдә Татарстан Республикасы Министрлар Кабинетының ЗАГС Идарәсендә «Гаилә альбомнарын карыйк» исемле беренче республика бәйгесенең җиңүчеләрен бүләкләү тантанасы узды.
Татарстан Республикасы Дәүләт архив эше комитеты әлеге мөһим инициативаның жюри әгъзаларыннан берсе булды.
ЗАГС Идарәсе башлангычы белән уздырылган әлеге бәйге тарихи хәтерне саклау һәм гаилә кыйммәтләрен ныгыту максатыннан үткәрелде. Татарстанның 14 районында яшәүче 250 дән артык гаилә үзенең уникаль тарихлары, фотосурәтләре һәм истәлекләре белән уртаклашты. Шундый истәлекле материаллар нигезендә татарстанлыларның гаилә тарихларының санлы архивы булдырылачак.
«Бүгенге көндә ЗАГС һәм Дәүләт архивлары тыгыз бәйләнгән, безгә бик күп сораулар килә, аеруча әби-бабаларыбыз турында! – дип билгеләп үтте ТР Дәүләт архив эше комитеты рәисе Гөлнара Габдрахманова. – Мин, педагог буларак, һәр кеше, һәр бала үзенең нәсел тарихын белергә тиеш дип саныйм!» Гөлнара Зәки кызы барлык гаиләләргә шатлык, иминлек һәм сәламәтлек теләде.
ТР Архив эше буенча дәүләт комитеты шулай ук «Гаилә архивын тапшыр» дип аталган бәйге дә үткәрә. Киләсе елда да әлеге конкурста һәр катнашучыга һәм материаллар тапшыручыларга шат булачак.
2025 елгы бәйгенең җиңүчеләрен бүләкләү тантанасы 2025 елның 15 ноябрендә узачак.
Следите за самым важным и интересным в Telegram-каналеТатмедиа
Комментарий юк