Белемеңне тикшер – татарча диктант язарга кил!

19 октябрь көнне көндезге сәгать 13.00 дә теләге булган һәркем татар телендә диктант язуда катнаша ала. Бөтен дөнья буенча узучы бу чарага Татарстан гына түгел, Россиянең 50 төбәгеннән һәм 20 чит илдән дә кушылалар. Быел Татарстандагылар Фәүзия Бәйрәмованың «Болын» әсәреннән өзек язачаклар, ә регионнарда һәм чит илләрдә яшәүчеләргә Газиз Мөхәммәтшинның «Саумысыз, аккошлар!» әсәреннән бер өзек тәкъдим ителә. Текст гади, көндәлек тормышта кулланылучы сүзләрдән тора.

Казандагы төп мәйдан – КФУныңТатарстан урамындагы 2 йорт адресы буенча урнашкан Филология һәм халыкара багланышлар институты бинасы.

Диктантны Казандагы төп мәйданда кем әйтеп яздырачагы әлегә сер, әмма аның танылган артист икәне генә мәгълүм. Текстны соңыннан татар филологлары, галимнәр тикшерә һәм «биш»ле билгесенә язучыларга Мактау грамоталары тапшырыла. Билгеләр бер айдан мәгълүм була.

Татарча диктантны теләге булган һәркем яза ала, бериниди дә чикләүләр юк.