​Айва белән томалап пешерелгән ит

Кирәк:

(6 өлеш өчен)
* 500-600 г ит;
* 0,8-1 кг айва;
* бер баш суган;
* 4-5 аш кашыгы сыек май;
* бер уч йөзем;
* бер чәй кашыгы дарчин (корица);
* ярты чәй кашыгы шикәр комы;
* 2-3 теш сарымсак;
* тәменчә тоз, борыч;
* яшел үлән.
 

Эш барышы:

Шакмаклап туралган итне май салынган чуенда болгата-болгата кыздырабыз. Ит кызаргач, яртылаш боҗралап туралган суган өстибез, тагын кыздырып алабыз. Чуенга ярты стакан кайнар су агызып, якынча 20 минут томалап пешерәбез. Тоз өстибез.

Иткә шакмаклап туралган айва, йөзем салып, 5-10 минут пешерәбез. Туралган сарымсак, яшел үлән, дарчин, шикәр комы, тоз, борыч өстәп, әкрен генә болгатабыз. Тагын бер стакан кайнар су агызып, 20-25 минут пешерәбез. Табынга дөге яки бәрәңге белән бирәбез.