Эстрадабызның йолдызы – җырчы Хәния Фәрхи көтмәгәндә арабыздан китүенә бүген ике ел булды...
Эстрадабызның йолдызы – җырчы Хәния Фәрхи көтмәгәндә арабыздан китүенә бүген ике ел булды. Чыннан да көтелмәгән хәл булды ул, күбебез әле дә ышанып бетми. Хәния җырлары, моңы, елмаюы һәрвакыт безнең белән!
Ахирәте Гөлнур Айзатның сагыш тулы шигыре дә нәкъ шундый хисләр белән тулы. Әйдәгез бергә искә алыйк яраткан җырчыбызны.
Хәниякәем киткәнгә 2 ел!
Ике елда таңнар синсез атты,
Шәфәкь батты синсез – йә, нигә?!
Күңелләрнең моңлы кошы идең,
Юксынабыз сине, Хәния!
Сәхнә тулы җырчы, тик йөрәк – буш!
Синең урын һаман тынлыкта...
Син җыр итеп көттең гомереңне
Ышанмыйбыз синең юклыкка...
Күз алдында һәр чыгышың, бәгырь!
Елмаюың – кояш нурлары!
Меңләгәннәр йөрәгендә яши
Хитлар булып гүзәл җырларың!
Кеше китә, җыры кала, диләр,
Җырлар гына басмас сагышны.
Тарихларга кереп калдың, бәгырь,
Җырга күмеп серле язмышны...
Следите за самым важным и интересным в Telegram-каналеТатмедиа
Гөлнур АЙЗАТ,
Комментарийлар
0
0
Рехмет Гельнур.Ижади унышлар Сезге.
0
0
0
0
бик матур дөрөс язылган сүзлэр
0
0
0
0
Голнур шушы матур щигырен дога булып барсын Хэниягэ
0
0
0
0
Молодец,Гульнур!!!
0
0
0
0
Хэния дустым мэнге кунелебездэ,ул энилэргэ багышланган жырлары очен мен рэхмэт,нурлы йозе,сандугач тавышы мэнгелеккэ кунеллэрдэ калды, рэхмэт онытмйбыз мэнге,якыннарын,балаларын Аллам ярдэменнэн ташламасын. Гулия.
0
0