Энә дә бүләк, энә «мендәре» дә...

Диана безне берсеннән-берсе кызыклы идеяләре белән сокландырып кына тора. Бу юлы кадерле хатын-кызларыбызга бәйрәм бүләге итеп бик матур энә мендәрчеге ясарга тәкъдим итә ул. Ясавы искиткеч гади булса да, үзе бик матур килеп чыга. Әйдәгез, сез дә безгә кушылыгыз.
 

Кирәк: 

* тәлинкәле чәй чынаягы;
* иңе белән буе 20 см ситсы тукыма;
* 0,5 м чамасы челтәр тасма;
* җилем (Момент «Кристалл» яки Титан);
* холлофайбер яки синтепон;
* чынаяк авызы кадәр катыргы;
* бизәү өчен кечкенә гөлчәчәк, яшел яфраклар, эре сәйлән, атлас тасма.


Тартма өчен:

* Буе – 65, иңе 50 см булган ике бит катыргы кәгазь. (Без «Леонардо»дан алдык. Ул булмаса, ватман кәгазе дә ярый.)

* Тартманы бизәү өчен 0,5 м челтәр тасма, сүс бау, кечкенә йөрәк.
 

Эш барышы:

Тукымага чәй тәлинкәсен каплап, каләм белән әйләнәсен йөртеп чыгабыз. Тәлинкәне алып, зигзаг тешле кайчы белән шул эздән кисәбез.

Тукыма читеннән 5-6 мм эчкәрәк кереп, кул белән генә гади җөй салабыз. Җепнең очын тартып, тукыманы бөрәбез. Бераз бөргәч, эченә холлофайбер яки синтепон тутырабыз. 

Чәй чынаягын катыргыга каплап, каләм белән эзен төшерәбез. 

Шушы эздән 2-3 мм эчкәрәк кереп кисәбез. Катыргы чынаяк эченә аз гына керебрәк торырлык булсын. Мендәрчекнең авызын шуның белән томалап, тукыманы ахыргача бөреп бетерәбез. Җепне ныгытып тартып төенлибез, аннан кисеп алабыз.

Чынаякның аскы итәге буйлап челтәр тасма ябыштырабыз. Аннан соң чынаяк авызына мендәрчек үзе ябыштырыла. Мендәрчек тирәли дә челтәр тасма ябыштырып чыгабыз. (Тасма чите мендәрчек белән чынаяк арасына кертелә.)

Мендәрчекнең бер читен яфрак­лар һәм гөлчәчәк белән бизибез. Без яфракларны япон балчыгыннан ясадык, сез теләсә нинди калынрак яшел тукымадан, мәсәлән, фетр, драп, флис яки юка тукыманы ике катлап, уртасына синтепон куеп калдырып та ясый аласыз.

Гөлчәчәкне дә япон балчыгыннан ясарга мөмкин. Алай әле бүләгегез тагын да матуррак булачак, чөнки япон балчыгыннан ясалган гөлләр чын чәчәкләрне хәтерләтә. 

Күбәләкләп бәйләнгән атлас тасма һәм эре сәйлән бөртеге – бизәкне тәмамлыйлар. Алар да чынаякка җилем белән ябыштырыла.

 Иң соңгы эш итеп, чынаякны тәлинкәгә ябыштырабыз. Матурлык өчен тәлинкәнең үзен дә берәр ничек бизи аласыз, монысы инде фәкать фантазиягездән генә тора.

Япон балчыгы белән ничек эшләргә икәнен «Сөембикә»нең 2012 елгы февраль һәм март саннарында өйрәткән идек. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 22 сентябрь 2023 - 06:18
    Без имени
    Фердинанд Сэлэхов кебек биек,зур сэхнэлэрдэ жырлый алырлык жырчылар аз шул...
    Шоу – бар, сәнгать – юк !
  • 21 сентябрь 2023 - 21:08
    Без имени
    Бала мэктэпне яратсын, укытучысын хормэтлэсен очен ин беренче бу балаларнын эти-энилэрен тэрбиялэргэ кирэк эле, мин узем балаларым, оныкларым мэктэптэн кайткач, мин фэлэн укытучыны яратмыйм, бу фэнне курэ алмыйм дип кайткач, ин беренче эш итеп шушы фэнне яратырга, тырышып ойрэнергэ кирэк, менэ шул вакытта укытучынны да яратырсын дидем, дорестэн дэ бутэн бер дэ кайтып зарланмадылар, оегездэ дэ бала каршысында укытучыны тэнкыйтлэмэгез, олыларга карата хормэт тэрбиялэргэ тырышыгыз, нэтижэсе озак коттермэс, балагыз унай якка узгэрер
    «Сугыш чукмары» 
  • 21 сентябрь 2023 - 14:58
    Без имени
    Эмоциялэрегезне йогэнлэргэ ойрэнегез. Эниегез ботенесен кунеленэ якын ала торган кеше, аны борчымагыз.
    Әни безне аңламый. Нишләргә?
  • 21 сентябрь 2023 - 14:50
    Без имени
    Укучыларнын торлесе булган кебек, укутучыларнын да торлесе була шул. Яхшы анлата торган укутучыны нинди генэ укучы булмасын, 45 минут буе, сабыр гына тынлап утырасын. Мин узем дэ шундыйлардан, яхшы укыдым, но кайнар холыклы идем, ботенесен язып тормыйм, но яхшы анлата торган укутучыны сабыр тынлый идем. Яратып укыдым. Сигезеллыктагы укытучылардан мэрхум Шакиров Тимергали абыйны язып узар идем. Анын кебек яхшы укытучы бутэн юк иде шул мэктэбебездэ. Урта мэктэпкэ башка авылга йордек, анда да бик яхшы укутучылар мэрхумэ Роза апа, хэм мэрхум Фатыйх абыйны язып утэм. Беркемгэ бер начар суз эйтмэделэр, беркемне дэ начар сузлэр белэн сукмэделэр, бер укучыдан да баш тартмадылар. Алланын рэхмэтендэ булсыннар. Урыннары жэннэтнен турлэрендэ булсын! Гел яратып искэ алам. Укутучыдан тора куп нэрсэ.
    «Сугыш чукмары» 
  • 21 сентябрь 2023 - 14:07
    Без имени
    Әлхәмдулилләх, зурлап никах уткәргәнсез, бу әти-әни өстендә. Ә туй, исерек көтуе-кемгә кирәк шул уткәрсен, хәзер купләре үткәрми дә. Шул ук туганнарны тагын чакырасың бит, тик бусы аракы табыны. Гел бер кеше, ничә кат җыярга була, муеннан бурычка батып
    Никах акчасы – талаш акчасына әйләнә бугай
Реклама
Якутия. Фоторепортаж
«Яңа бишек җыры» бәйгесе
Уфада матурлык һәм уңганлык конкурсы узды
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»