18 апрельдә Уфа «Нур» татар дәүләт драма театрында Башкортстан татарларының иң матур кызын сайладылар.
«Татар кызы-2015» исеменә Альбина Хаматова лаек дип табылды. Аңа җиңүче тасмасын һәм калфагын «Татар кызы-2014» бәйгесендә Гран-при алган Алинә Гыйззәтуллина кидерде. Альбина Хаматова чыгышы белән Туймазы районы Япрак авылыннан. Октябрьски шәһәрендә тугызъеллык мәктәп һәм төзелеш-коммуналь көллиятен тәмамлаганнан соң Казан технология университетының беренче курсында белем ала. Ул агымдагы елда Чиләбе шәһәрендә узачак татар сылуларының Бөтенрусия бәйгесе финалында катнашу хокукына ия булды.
Комментарий юк