«Парк белән күрше яшисең, атнасына бер-ике тапкыр урап чыксаң да, ярты авырлыгыңны ташларсың», – диләр миңа хезмәттәшләрем. Шулай дигән булалар. Белми алар, анда нинди тозак барлыгын! «Ярый, – мин әйтәм, – килегез, алып чыгам паркка, бергәләп ябыгырбыз».
Җыена торгач, тәки җыенып беттек. Чираттагы ял көннәренең берсендә, иртәнге сәгать тугызда бүлектәге алты хатын-кыз, как штык, парк каршында очраштык. Капкадан кереп бетмәдек, бүлек җитәкчебезнең күзе милли ризыклар сатыла торган кибеттәге өчпочмакларга төште. Җитәкчедән калышып булмый инде – барыбыз да өчпочмаклар белән сыйландык. Борыннарны кытыклап, авыздан сулар китереп торган тәмле ис бассейнга кертмәде, яныннан гына узып киттек. Коену костюмнарын алганыбызны да онытып, яшь тайлар кебек, кафега таба җилдердек. Ярыйсы гына анда да сыйланып чыктык. Шуннан аллея кырыена куелган эскәмияләргә утырып, роликлы тимераякта шуучыларны, велосипед, скейтбордта йөрүчеләрне күзәттек. «Шахмат клубы» мәйданчыгына да сугылырга онытмадык – читтән генә уйнаучыларга бәя биреп, шактый гына басып тордык. Бераздан барыбызның да үтереп чәй эчәсе килә башлады. Чәй эчәсе килгән кешегә, Ходайга шөкер, паркта бөтен шартлар да булдырылган! Берсеннән-берсе тәмле пирожныйлар белән чәйләнергә теләгәнебезне тоеп торгандай, паркның гүзәл почмагында урнашкан кафе безне кочагын җәеп каршы алды. Анда да вакытны бушка уздырмадык – тәрәзәдән ир-егетләрнең чирәмлектә туп типкәннәрен рәхәтләнеп күзәттек. Бераздан хезмәттәшебез Айсылу: «Бәй, ярты көн үтеп тә киткән бит, кайтышыйк, кичкелеккә ашарга да әзерлисе бар ич», – дип, барыбызны да урыныбыздан кузгатты. Тамак тук, өс бөтен дигәндәй, каршы килүче булмады.
Йә, киңәш итеп ни әйтер идегез, ничек бу паркта ябыгырга була?
фото:
https://pixabay.com
Люция ӘБЛИЕВА,
Комментарийлар
0
0
Чынлыкта , кондэ ике кеше белэн генэ паркта йорсэн. бернигэ кызыкмыйча . ризыкларны эйтуем , ябыгырга була , минемчэ . Нидэн чыгып эйтуем ? Чонки Питерга баргач . сумкама ике ашарлык кына ризык салып , термоска чэй агызып , коне буе йордем . Матурлыкларга карап . Метродан чыктык та , ж,эяу эллэ купме йордек . Ун коннэн кайттык ойгэ . Улчэугэ бассам , ун килога якын кимегэнмен . Кызлар . ябыгырга телэсэгез . ашарга кызыкмагыз . Кайткач остэл артында узем пешергэнне ашармын диеп . кун,елегезне юатыгыз !!!
0
0
0
0
Люция ханымнын. хикэясе хэрвакыттагыча бик кун,елле . матур итеп язылган . Ун.ышлар телим Сезгэ !!!
0
0
0
0
Тамактан үткәндә, исәнлек булганда ашарга рәхәтләнеп)))
0
0