«Мин аны  сыйныфташлар очрашуыннан алып кайттым...» 


Алар  яшь кыз белән яшь егет кебек. Бер-берсенә булган  назлы, дәртле карашлары сокландыра да, бераз гына оялта да. Яңа танышларыбызның мәхәббәт тарихлары бик үзенчәлекле булып чыкты.  


Зөлфәт белән Мәликә бер сыйныфта укыйлар.  Яңа килгән кызга үсмер егет шундук игътибар итә. Алар дуслашып китә. Тугызынчы сыйныфта дуслык мәхәббәткә әверелә. Беренче саф хисләр, беренче үбешү... Әмма тугызынчы сыйныфтан соң кыз  башка шәһәргә укырга китә. Кайткан ялларда,  каникулларда гына очраша яшьләр.  Ике ел шулай  мөнәсәбәтләрне сакларга тырышалар әле. Әмма Зөлфәт унберне тәмамлагач, укырга бөтенләй башка республикага китә. Аралар тагын да ерагая. Ә бу – хисләр өчен зур бер сынау. Яшьлек үзенекен итә,  кыз белән егет тирәсендә башка дуслар барлыкка килә, яңа хисләр туа. Алар тәүге хисләрен йөрәкләренең бер почмагына яшереп куялар да олы тормышка кереп китәләр. 


Зөлфәт тә, Мәликә дә гаилә кора.  Бистәгә әти-әниләре янына кайтып йөрсәләр дә, юллары  бервакытта да кисешми. Икесе дә дөнья мәшәкатенә  чума.  


Зөлфәт бик яратып өйләнсә дә, хатыны салкын  булып  кала. Бер-бер артлы тапкан балаларыннан башкаларны күрергә дә, ишетергә дә теләми.  Рухи яктан да үсми.  Балалар кечкенә чакта мөнәсәбәтләргә әллә ни тәэсир итми әле ул. Сабыйлары белән әвәрә киләләр. Әмма  балалар үсеп, үз бүлмәләренә бикләнеп утыра башлагач, Зөлфәтнең балаларыннан кала, хатыны белән уртак бернәрсә булмавы турында аңлый. Хәтта сөйләшер сүзләре дә юк икән бит! Хатын һаман сериаллар карый, социаль челтәрләрдән  чыкмый. Ә Зөлфәтнең укыган китаплары турында фикерләшәсе,  бергәләп чаңгыга басасы, спорт белән шөгыльләнәсе килә.  Әнә шулай сөйләшер  уртак темалар да булмагач, хатын белән ир  тагын да ерага төшә.  


Адәм баласына һәрвакыт наз, игътибар кирәк бит ул. Өйдә юк икән, ул аны читтән эзләми калмый.  Зөлфәт читтән эзләми эзләвен, әмма  үсмер чактагы мәхәббәте  Мәликәне бик еш искә төшерә. 


Мәктәпне тәмамлауга 25 ел тулу уңаеннан элекке сыйныфташлар җыелышырга  исәпли. Зөлфәт  очрашуга килергә теләүчеләр арасында Мәликәне дә күреп ала.  Һәм барырга була. Аның мәктәпне тәмамлаганнан соң бервакытта да мәктәпкә очрашуга барганы булмый. Нигәдер элеккеләрне искә төшерү аны кызыксындырмый ул вакытта. Ә бу очрашуга ул билгеле бер ният белән  бара: Мәликәне күрергә. 
Чирек гасыр үткәне сизелә, әлбәттә.  Сыйныфташлар үзгәргән. Зөлфәткә Мәликә генә үзгәрмичә калган кебек тоела. Шундый ук елмаеп торган иреннәр, серле зәңгәр күзләр, элеккечә бик тә тыныч. Мәликә Зөлфәт белән әле кичә генә  саубуллашкан кебек  күрешә. Бернинди уңайсызлык тоелмый ике арада. Алар кич буе сөйләшәләр дә, сөйләшәләр, бергәләп бииләр.  Мәликә кияүдә, кызы да инде үз парын тапкан икән. Сабуллашканда телефон номерларын алышалар. 


 Кайтып керүгә ир Мәликәне сагынуын аңлый. Аның белән булган һәр минутны  исенә төшерә. Рәхәт иде бит аңа!
Бу очрашу күңелдә кала. Зөлфәт һәрвакыт Мәликәне исенә ала, әмма шалтыратырга кыймый. Бер ай үткәч кенә, хәбәр язып җибәрә. Мәликә шундук җавап бирә. Алар  мессенджер аша аралаша башлый. Аннан соң шалтыратышалар. Ике айдан соң Зөлфәт Мәликә яшәгән шәһәргә юл тота. Ул Мәликәне бергә булырга күндерәчәк. 


Очрашкач ук: «Әйдә минем белән», – ди Зөлфәт. Ирләр шулай кистереп уйлый ала әле ул, хатын-кызларга күнегелгән дөньяны җимереп чыгып китү бик авыр.  «Миңа уйларга вакыт бир», – ди  Мәликә. Икенче килүендә  Зөлфәт Мәликәнең бергә булырга ризалыгын алып китә. 


 Хатыны белән бик авыр аерылышу процессы үтәләр.  Зөлфәткә нинди генә сүзләр ишетергә туры килми. Балаларын да әтиләренә каршы котыртырга тели хатыны, әмма барып чыкмый. Балалар  әтиләрен аңлый. Аларга зур фатир алып бирә Зөлфәт. Мәликә килүенә иске фатирын сатып, яңаны ала, ремонт ясый. Мәликә нәкъ өч айдан соң, барысын да ташлап, беркеме булмаган, бер белмәгән шәһәргә яшьлек мәхәббәте янына  күченеп килә. Инде үзе гаилә корырга  ниятләп йөргән кызы да аңлый Мәликәне. Ире белән дә рәнҗешми генә аерылышалар.  


Менә шулай, еллар үткәч ике яраткан йөрәк  кушыла.  Аларның бу гамәлен бәлки гаеп тә итәрләр. Әмма мәхәббәтсез тормыш – бәхетсез гомер бит. Килешәсезме? 
 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (9)
Cимвол калды:
  • 5 февраль 2023 - 15:51
    Без имени
    Мәхәббәт түгел бу, вакытлыча гына булачак бу аралашу.
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
  • 31 гыйнвар 2023 - 08:52
    Без имени
    Комментарий белән килешәм,яшиселәр бар әле.Тормыш җайланып китә алырмы?
  • 30 гыйнвар 2023 - 17:03
    Без имени
    "Әмма мәхәббәтсез тормыш – бәхетсез гомер бит. Килешәсезме? " - хак сузләр. Дорес эшләгәннәр, мин дә, бәлки, шундый ук карарга килер идем. Аста язылганча бернинди азгынлык та, бозыклык та тугел бу. Нигә яратмаган кеше белән яшәп узенне хәм башкаларны азапларга? Гомерне 2-3 мәртәбэ яшәми берәу дә, яшьлектә хата ясаганнар икән (яки момкинлекләре булмаган), хатаны анлап тозэтудә бернинди дә гаеп юк. Курыкмый адым ясаган очен Афәрин дип кенә әйтәсе килә!
  • 29 гыйнвар 2023 - 10:55
    Без имени
    Хэзер азгынлыкны- мехеббет диеп атый башладылар
  • 28 гыйнвар 2023 - 18:05
    Без имени
    Ике бозык. Хатыннар ирлэр эстеннэн йереп, тормыш бозып ятканны да мактап хикэя язылган. Кызганыч хэл.
  • 27 гыйнвар 2023 - 17:40
    Без имени
    Мин дэ килешэм язган комментарийлар белэн. Мэхэббэт утте дип, яна яр эзли башласан,санарга бармагын житмэс. Яшьлектэгечэ калмый инде ул мэхэббэт, тормыш узган саен ,сурелэ. Бер-беренэ хормэт, иялэшу белэн алышына. Баштарак дорлэрлэр эле, э еллар узгач,олыгая башлагач, кем-кемгэ кирэк? Узеннеке узеннеке инде, бергэлэп корган тормыш, бергэлэп устергэн балалар,оныклар. Энэ шулары белэн кызыклы да инде ул тормыш дигэнен. 2 гаилэ бозып.. алда ни котэ аларны. Балаларга, оныкларга узенеке кирэк, чит эби-бабай тугел!!!
  • 25 гыйнвар 2023 - 17:28
    Без имени
    Бу хисләре дә узар кайчан да булса
  • 25 гыйнвар 2023 - 17:24
    Без имени
    Берничек тә аңлый ла, аклый да алмыйм икесен дә. Бик яратып өйләнгән, ләкин хатыны рухи яктан үсмәгән, имеш. Әкият бу. Икенчесе кияүдә килеш очрашып йөргән. Ник соң алар алай начар яшәгәч, бу очрашуга кадәр түзгәннәр? Бик яратышкач, ник яшь вакытта бергә булмаганнар? Просто был кризис среднего возраста. Балалар үскән, үрләр яуланган. Захотелось новых эмоций. Тормыш иптәшеңә ихтирам булса, узып китә ул кризис. Бөтен кеше үсмер чак мәхәббәтен эзли башласа...
Хәзер укыйлар
  • Дус кызымның ире икенче хатын алган  Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
    7851
    2
    55
  • Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
    5276
    0
    35
  • Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар. 
    2209
    0
    23
  • Бәхетемне сакламадым Һәр хатын-кызның үз тормыш тарихы, үз ялгышлары, үз үкенечләре. Әмма минем кебек беркатлылыгы аркасында үз бәхетен җимергән хатыннар бар микән ул?!
    4098
    1
    21
Реклама
Соңгы комментарийлар
  • 24 март 2023 - 14:07
    Без имени
    Бай ирлэрнен ботен байлыгын балаларына яздырасы иде ул, бер тиенсез ир белэн икенче яшь хатыны яшэргэ телэр идеме икэн?
    Дус кызымның ире икенче хатын алган 
  • 26 март 2023 - 07:29
    Без имени
    Әлбиттә ирҙән айырылған ҡатын менән иреңде бер өйҙә ҡалдырып китеү ялғышлыҡ. Тик ирҙе өйҙә бикләп ултыртып, кешегә күрһәтмәй йәшәп булмай. Йөрәгендә тоғролоҡ булмаған кеше барыбер хыянат итер ине иртәгәме һуңмы.
    Бәхетемне сакламадым
  • 27 март 2023 - 07:59
    Без имени
    Ис китмәле хикәя бала чакка кайтып килгәндәй булдым рәхмәт авторга.
    Кунак мунчасы
  • 23 март 2023 - 11:56
    Без имени
    Башта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.
    Ничек дуслаштырыйм?
  • 22 март 2023 - 10:47
    Без имени
    «Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисез
    Оныгым минеке түгел...
Реклама
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату