​Өй шартларында мастика ясау

Мастика ясау өчен: 
* 900 гр шикәр комы; 
* 175 гр.инертный сироп; 
* 15 гр желатин; 
* 45 гр кайнатып бүлмә температурасына кадәр суытылган су; 
* лимон кислотасы(бер чеметем) 
* ванилин; 
* мастикагыз ап-ак төсле булсын өчен диоксид титан кирәк була. 

Эш барышы ике өлештән тора.
Беренчесе:  мастиканы ясау өчен инертный сироп кирәк булачак. Аны болай ясыйбыз. 
Моның өчен 500 гр шикәр комын 250 грамм су белән плитә өстендә эретәбез, кайнап чыгу белән 1 чәй кашыгы (өеп түгел) лимон кислотасы салабыз, аннары 1 чәй кашыгы чәй содасы (өеп түгел) салабыз. Катнашма бик тиз ак төскә кереп бик күтәрелә: карап болгатып торабыз. Катнашманың (сиропның) әзерлеген кашык очы белән генә алып ике бармак белән сузып карыйбыз. Яңа гына аерткан бал сыман сузылып тора торган булса сироп әзер дигәнне аңлата. Алып суытырга куябыз. 
Инде мастика ясау эшенә керешәбез. 
Мастика ясау өчен кирәк булачак: 
* 900 гр шикәр комы; 
* 175 гр инертый сироп; 
* 15 гр желатин; 
* 4 гр желатинны җебетү өчен кайнатып сытылган, бүлмә температурасындагы су; 
* лимон кислотасы; 
* ванилин.

Эш барышы: 
15 гр желатинга 45 гр су салып, 20 минут тирәсе җебетеп алабыз. Тулысынча җебеп беткәч (куе гына масса барлыкка килә), парга куеп сыек хәлгә килгәнче җебетеп алабыз. Желатин әзер. Аз гына суытканнан соң, алдан ясалган инертный сироп белән кушып яхшылап болгатып алабыз. Мастиканы ясау эшенә керешәбез. Табакка шикәр комы+ванилин +лимон кислотасын –  бөтенесен бергә иләп салабыз. Уртасына чокыр ясап, әзер желатинлы массаны салабыз, акрынлап кашык белән болгатып, камыр баскан кебек куна тактасына төшереп басып бетерәбез. Мастика куна тактасына ябышмасын дисәгез кукуруз крахмалын кулланабыз. Мастика бик шома саргылт төстә була. Ап-ак төстә булсын дисәгез, кулинар кибетләрендә сатыла торган доксид титан кулланырга була. Иң ахырдан шуны кушып әзер мастиканы басып бетерәбез. Суыткычта  пакетта саклыйм. Кирәк чакта алып кулланам. Суыткычтан алганда ул катырак була. Микроволновкада җылытып алсаң бик тиз йомшара. 
Әзер мастикалар хәзер кибеттә дә сатыла бит. Минем дусларым арасында Марьям апа Миннегулова, Минзилә апа Черепанова, Тәския апа Вәгыйзовалар  – торт ясау осталары. Мастиканы алар башкачарак ясый. Бәлки алар да язарлар. 
Ютубта да бик яхшы видеоязмалар бар. Аларны да карап эшләргә була.