Алма белән кабак согы 

Кирәк: 

2,5 кг чистартылган кабак; 

2 л су; 

1 л алма согы (үзегез ясаганы булса, әйбәтрәк); 

1-2 аш кашыгы кызгылт көрән төсендәге шикәр комы (тростниковый). 

Эш барышы: 

Кабакны кисәбез, орлыкларыннан чистартабыз. Кисәкләргә бүлеп, кабыгын әрчибез. Аннан соң ваграк кисәкләргә бүлеп, йомшарганчы парда тотып алабыз. Йә мантоваркада, йә бераз гына су салып кәстүлдә дәийомшартып алырга ярый. Үзегезгә ничек уңайлы булса, шулай эшләгез. 

Йомшарган кабакны блендер ярдәме белән издереп, боламык хәленә җиткерәбез. 

Аннары барлыкка килгән боламык өстенә кабак томаланырлык итеп һәм күбрәк тә су агызабыз, чама белән шикәр комы өстәп, әйбәтләп болгатабыз. 

Шушы катнашмага хәзер алма согын да кушабыз һәм кайнау кергәч, 10-15 минут кайнатабыз. Плитә яныннан китми торсагыз да була, чөнки әлеге сокны гел болгатып торырга кирәк. Кабак согының куелыгын алма согын йә күбрәк, йә азрак өстәп көйләргә мөмкин.

Әзер сокны стерильләнгән банкаларга агызып, тимер капкач белән томалыйбыз да банкаларны әйләндереп куябыз. Банка өстен одеял белән томалап куябыз – әкренләп суынсын өчен. 

Банкаларны башта суыткычка куеп суытабыз. Ә инде суынып беткәч, өйдә – берәр салкынчарак урында сакларга кирәк. Табигый консервантлардан гына торган бу сок бик әйбәт саклана. 

Тәмле булсын!