А. Н. Туполев исемендәге Казан дәүләт техника университетының (элекке авиа-ция институты) 70 еллыгына багышлап чыгарылган «Выпускники – гордость института» дигән китапта Мәхфүзә Кәрим кызы Максутова хакында мондый юллар бар: техник фәннәр докторы (1977), про-фессор (1978), ТАССРның атказанган фән һәм техника эшлеклесе (1981) һәм КДТУның атказанган профессоры (1997). Турбиналы машиналарның газодинамика-сы өлкәсендә эшләүче галимә дигән мәгълүмат бирелә. Моңа өстәп 2012 елда аңа багышлап махсус китап чыгарылганын әйтсәк тә урынлы булыр. Китап рус телендә «Махфузя Каримовна Максутова в воспоминаниях друзей, соратников и учеников» дип атала. Казан техника университеты типографиясендә басылган. Татар хатын-кызлары арасыннан беренче булып техник фәннәр докторы исеменә лаек булган Мәхфүзә ханымга бирелгән зур бәя дип тә саныйк моны.
