Илһам Шакиров, Әлфия Авзаловалар кебек татар халкының бөек һәм асыл җырчыларын җырлаткан гармунчы ул Рөстәм Вәлиев. Виртуоз гармунчы. Кызганыч, ул безнең арадан вакытсыз китте. Әмма татар моңы яшәгәндә Рөстәм Вәлиев исеме үлмәс. Ул – мәңгелек. «Моң» театраль мәйданчыгында әлеге шәхескә багышланган «Аккомпаниатор» дип аталган хәтер-хатирәләргә корылган перформанс-спектакль узды. Рөстәм Вәлиевнең без белмәгән тормышына багышланган иде ул.
