28 гыйнвар 2022 яңалыклары

27 гыйнвар кичендә Кәрим Тинчурин исемендәге Татар дәүләт драма һәм комедия театрында Исламия Мәхмүтованың (1943-2019) «Күрәсем килгән иде...» спектакленең 10 еллыгын билгеләп үттеләр. Спектакль алдыннан театр музеенда татар театрының легендар артисткасы Исламия Мәхмүтованың данлы иҗатына гашыйк тамашачылар белән күркәм очрашу чарасы узды.  

«Сөембикә» редакциясе 2022 елның беренче яртыеллыгына һәм тулы бер елга журналга язылучылар арасында бүләкләр уйната дип күптән игълан иткән идек.

Бу йогышлы авыруны икенче төрле әнә шулай дип тә атарга була. Балалар арасында аеруча күп таралуының сере дә нәниләрнең гигиена таләпләрен тиешенчә үтәп җиткермәүләрендә. Республика балалар клиник хастаханәсенең Сәламәтлек үзәге мөдире, югары категорияле балалар табибы Гүзәл ЯРУЛЛИНА белән сүзебез балаларда лямблиоз турында булыр. 

«Бу дөньяның бар чәчкәсе – сиңа!» Ул чакта язмамның исеме шулай атала иде. Моннан шактый еллар элек, 2003 елның мартында «Сөембикә» журналына бер гаилә язмышы турында язган идем. Табибә Ландыш, ашкынып, өзелеп сагынып, туасы баласын көтә. Әмма, нарасые дөньяга аваз салуга сөенеп, балага сөеп багарга гына өлгерә ул – санаулы минутларда мәңгегә күзләрен йома... Бу – 2002 елның салкын декабре... Ландышны, аның гаиләсен яхшы белгән кеше буларак, тагын кулга каләм алдым...