– Инстаграмга моннан биш ел элек, лаеклы ялга чыккач ук теркәлдем. Ул вакытта әле Ринат улым (без аны танылган блогер «Татар малай» дип беләбез – Р. Х.) безнең белән Түбән Камада яши иде. Бу вакытта инде мин инстаграмда утыра идем. Ринат миңа анда теркәлергә, фотолар куярга ярдәм итте, ә мин Ринатка үз блогында татарча матур һәм дөрес итеп язарга булыштым. Ринатның блогер булуында минем дә өлеш зур!..
