4 май 2021 яңалыклары

Җырчы, Yuki төркеме продюсеры Гөлназ Батталова тамашачыларны гаҗәпләндерүен дәвам итә. Әле кайчан гына ул ТНТ каналының “Золото Геленджика” тапшыруында җиңеп кайткан иде. Инде хәзер аны “След” сериалының бер сериясендә күрү насыйп булды. Гөлназ тамашачыларны тагын ни белән шаккаттырмакчы? Тырыш кыз белән әнә шул хакта сөйләштек.

Хатын-кызның табигате шундый: ул көчле ир-атка тартыла. Элек физик көч турында сүз барса (Сабантуй батырына кайсы кыз өмет итмәгән икән?!), хәзерге цивилизациядә көчле ирләр – мөмкинлекләре булганнар, гади итеп әйткәндә, акчасы булганнар. Шуңа күрә көчлеләрне һәм уңышка ирешкәннәрне якын җибәрмәгез, хәерчеләрне сайлагыз, һәрхәлдә, зыяны тимәс, дип кызларга киңәш бирү – беркатлылык. Әмма финанс ягыннан тәэмин ителгән ир белән корылган гаилә гадәти булмаячак.

«Ир  – бизнесменмы, механизатормы, төзүче, вахтада эшләүчеме, кем булуга карамастан, хатынының игътибарын таләп итә. Ә  ирең артист булса, тагын да авыррак. Аңа игътибар икеләтә кирәк», – дип яза үзенең социаль челтәрләрендә  җырчы, шоумен Данир Сабировның хатыны Миләүшә.