«Коронавирус дип авылга кайтып киттем. Ә монда чир юк, эшләтәләр». Эш киеменнән, тавык тотып авыл тормышы хакында кызыклы фәлсәфә корган видео күпләрегезнең ватсап мессенджерына да килгәндер. Коронавирус инфекциясеннән сакланып изоляциядә өйдә утырган вакытта юмор хисе булганнар инстаграм битләрендә төрле вайннар төшереп куя башлады. Бу үзенә күрә юмор терапиясе дә булгандыр, мөгаен. «Дневник татарина» исеме белән видеолар төшереп, язылучыларының кәефен күтәргән Рәмис Гилметдинов белән әңгәмә кордык. «О, бу минем беренче онлайн интервью», – дип сүзен башлады Рәмис. Чаллы да яшәүче юморист белән без интернет аша сөйләштек.
