Сеул университеты галимнәре тикшеренүләр уздырганнар һәм носки киеп ятучыларның тизрәк йоклап китүен ачыклаганнар. Носкидан йоклаучылар төнлә дә сирәк уяна икән.
Йокының сыйфатын яхшыртуның башка алымнары да бар.
1. Бүлмә температурасы: иң кулай температура 16–20 градус. Уңай температура организмга тизрәк йоклап китәргә булыша.
2. Уңайлы урын-җир: яхшы матрас, мендәрләр, җиңел җылы юрган, җайлы постель – тәмле йокының алшарты.
3. Йокы режимы: йокының даими расписаниесе булса, билгеле бер вакытта ятарга һәм торырга күнегәсез. Организм да шул тәртипләргә җайлаша.
4. Стимуляторлар кулланмау: йоклар алдыннан кофеин һәм никотин эчү йокыны бүлә.
5. Физик активлык: даими физик күнегүләр йокыны яхшырта, ләкин йоклар алдыннан спорт белән шөгыльләнмәгез, ул энергияне арттыра, организмны киеренке хәлдә тота.
6. Киеренкелектән чыгара торган ритуаллар: медитация, укып яту, җылы ванна кабул итү организмны тулысынча ял итәргә әзерли.
7. Экран вакытын чикләү: телефондагы, компьютерлардагы зәңгәр яктылык йокы өчен җаваплы мелатонин гормонын эшләп чыгаруны боза. Йокларга 1 сәгать кала, гаджетларны сүндереп куегыз.
8. Туклану: кич җиңелчә ашау, составында триптофан (күркә ите, банан, сөт ризыклары) йокыны яхшырта. Йоклар алдыннан авыр ризыклар, алкоголь кулланырга ярамый.
Эльмира ЗАКИРОВА әзерләде
Следите за самым важным и интересным в Telegram-каналеТатмедиа
Комментарий юк