Карбызны ничек сайларга?

Нитратлы карбыз
Карбызга суккалап караганда, тыны чыккан тупка суккан тавыш чыгачак.
Кискәч, күрер күзгә бик шома күренә, ә өлгергән карбыз шикәрле бөртекләр белән ялтырарга тиеш.
Әгәр карбыз йомшагын ваклап сулы стаканга салсаң, андагы су ал яисә кызыл төскә керәчәк. Ә сәламәт карбыздан су болганчыклана.
Карбыз йомшагы буй-буй аксыл төстә була.
Кул белән кыскалаганда шыгырдамый. Ә карап торуга өлгергән сыман, димәк, нитрат ярдәмендә өлгергән дигән сүз.


Сәламәт карбыз өлгергән карбызның беренче билгесе — карбыз өстендәге койрыгы корыган булу. Ә карбыз төбендәге чәчәк эзе, өлгерү белән бәйләнмәгән анатомик җитешсезлек кенә.
Суккалаганда яшел карбыз гына яңгырый, ә өлгергән карбызның тавышы яңгырамаска тиеш.
Кул белән кыскалаганда шыгырдаган карбызны курыкмыйча сатып алырга мөмкин.
Карбызның җирдә яткан ягы ак түгел, ә сары була.
Өлгергән карбыз тырнак белән бик җиңел тырнала һәм шул рәвешле кабыкның өске катламы бик җиңел куба.


Карбыз төшен иттарткычтан чыгарыгыз, бераз сөт кушып, болгатыгыз. Мондый катнашманы эчү көчле кан китүләрне туктата.
Карбыз төше, кабакныкы  шикелле үк, организмдагы суалчаннарга каршы кулланыла.
Тән пешкәндә, авыруның хәлен әчетелгән карбыз согы эчертеп җиңеләйтеп була.
Карбызны даими ашау кешенең нерв системасын тынычландыра, йокысын нормальләштерә, ә ирләрнең сексуаль сәләтен яхшырта.
Метеоризмнан интегүчеләргә карбызны күп ашарга ярамый — юан эчәктә күп газ җыелырга мөмкин.

фото: https://pixabay.com