Юбилеебыз шаукымында әзерләгәнгәме, ничектер үзенчәлекле, җылы һәм... рәхәт булды ул! Безнең 110 еллык бәйрәмебез сезне читләтеп узган булса, борчылмагыз! Бу саныбызны нәкъ менә бәйрәм күренешләреннән башладык. Куар-код буенча тулы репортаж һәм бәйрәмнең иң күңелле мизгелләре белән таныша аласыз.
Юбилеебыз шаукымында әзерләгәнгәме, ничектер үзенчәлекле, җылы һәм... рәхәт булды ул! Безнең 110 еллык бәйрәмебез сезне читләтеп узган булса, борчылмагыз! Бу саныбызны нәкъ менә бәйрәм күренешләреннән башладык. Куар-код буенча тулы репортаж һәм бәйрәмнең иң күңелле мизгелләре белән таныша аласыз.
Тышлыгыбызны Диләрә Ханова бизи. Әйе, һәр санда сезне үзенчәлекле, кабатланмас тышлык белән гаҗәпләндерергә тырышабыз. Бу юлы да чын бәйрәмчә булды ул. Эчтәлеге дә берьюлы берничә бәйрәм көнен сыйдырды үз эченә. Ә тышлыгыбыз «бизәге» Диләрә ханым белән журналист Лилия Гәрәева «Остазбикә» язмасында таныштыра.
Әлбәттә, язмаларның берничәсе Бөек җиңү көненә багышланган. Алсу Шакирова концлагерьда туган Зәйнәббикә апа Мөрсәлимова белән очрашып, аның тетрәндергеч язмышын «Чәнечкеле чыбык артында» язмасында чагылдырды. Зәйнәббикә апаның иңнәренә төшкән сынау тарихы сезне битараф калдырмас.
Советлар Союзы Герое, якташыбыз Михаил Девятаев турында күпме генә язылса да, кинолар төшерелсә дә, моңа кадәр без белмәгән хатирәләре белән килене Фирдәвес Девятаева бүлешә. Герой килене булу – ничек икән ул? Гөлнур Сафиуллина язмасында гаиләнең нәкъ менә шул ягын ача.
Гадәттәгечә Татар матбугаты көнен дә күз уңаеннан калдыра алмадык. Бу санда үзенең тәҗрибәсе, истәлекләре, хатирәләре белән ветеран коллегабыз, танылган журналист Мәдинә Авзалова бүлешә. Тынгысыз, мәңге эзләнүчән, иң аваыр темаларга алынучы журналистның чорлар аша узган юлына әйләнеп карап язган фикерләре сезгә кызыклы булачак дип ышанабыз.
Көнүзәк мәсьәләләр, чаң сугарлык вакыйгалар даими рәвештә журналда төп урын алып тора. Бу санда журналист Чулпан Галиәхмәтова әниләр өчен бишек эзләре буенча бара. Тормыш сынаулары алдында бер терәксез кулда сабый бала белән калган яшь әниләр язмышын бергә барлыйк, алар узган юлны журнал битләре аша булса да узып карыйк әле...
«Иң авыр ролемне улым бирде», – ди Россиянең атказанган, Татарстанның халык артисты, Г. Камал театры актрисасы Наилә Гәрәева. Кайсы роль турында сүз бара дип уйлыйсыз? Яңа проектыбызны яңа гаилә серләре белән дәвам итәбез! Спектакльләре аша күптән яратып өлгергән Камал театры баш режиссеры Фәрит Бикчәнтәевнең балачагын әнисе истәлекләре буенча барлыйбыз. Тулы интервьюны безнең социаль челтәрләрдә дә карарага онытмагыз.
«Мөхлисә апа, чыгып ал!» язмасы дөнья күргәннән соң редакциябезгә бик күп кайтавазлар килгән иде. Ошаттыгыз Эльмира Закированың балачак хатирәләрен! Бу санда ул укучыларыбызны тагын бер язмасы белән сөендерә – «Хыялымда – тарантаслы атта» сез дә Эльмира Закирова белән бергә балачак хатирәләренә чумарсыз, истәлекләрегезне яңартырсыз.
«Сөембикә» журналын арттан, Хуҗабикә рубрикасыннан укый башларга гадәтләнгән укучыларыбыз алдында бу юлы да сынатмабыз! Яңа борынгы рецепт көтә сезне бу юлы. Итле гөбәдияне ничек пешерәсен белмәсәгез – бигрәк тә! Дөрес туклану рецептларын үз итүче укучыларыбызга да күчтәнәчебез бар. Комбуча! Аның нәрсә икәнен әлегә сер итеп калдырыйк...
Исегезгә төшерәбез, «Сөембикә» журналын маркетплейсларда сатып алырга була.
Исегезгә төшерәбез! «Сөембикә» журналын Wildberries, Ozon, «Татмедиа» онлайн кибетеннән дә сатып алырга була.
Реклама. АО «ТАТМЕДИА». 16+
