Үзбәкстан Сынлы сәнгатенең Ташкент галереясында тантаналы рәвештә милләттәшебез – рәссам Римма Газалиеваның шәхси фарфор күргәзмәсе ачылды.
Талантлы рәссам Газалиева Римма Тимергали кызы П.П. Беньков исемендәге Ташкент художество училищесын һәм А. Островский исемендәге театр институтын тәмамлаган. Римма Тимергалиевна – Ташкент фарфор заводының баш рәссамы, ә совет чорында ул фарфор савыт-саба җитештерүче иң билгеле предприятие - Кувасай заводының баш рәссамы була.
Рәссам заманында үз өен остаханәгә әйләндерә, анда фарфор савыт-сабага милли бизәкләр төшерә. Шунда ук мастер-класслар үткәрә. Аның остаханәсе – шәһәрнең истәлекле урыннарыннан берсе. Бирегә чит ил туристлары һәрчак яратып килә.
Комментарий юк