Раяз Фасыйховның гаиләсе зур югалту кичерә

Татарстанның атказанган артисты Раяз Фасыйховның гаиләсендә зур югалту – аның әтисе Наил абый вафат булган. Бу хакта җырчы инстаграмында  хәбәр итте.

– Әти китте… Урының оҗмахта булсын! — дип язган ул.

Билгеле булганча, Балтач районында гына түгел, күрше-тирә авылларда да Наил абыйны белмәүчеләр сирәк. Ул җыр-моңга гашыйк кеше, бик оста баянчы иде. Соңгы елда Наил абый онкология белән көрәшкән булган. Узган ел короновирус белән дә каты авырган.  

Раязның авыр кайгысын уртаклашабыз. Наил абыйның урыны Җәннәттә булсын!