Хәния Фәрхине искә алу концертында сеңлесе Фирүзә ханым: “Бүген махсус апама охшатып киенеп килдем”

Г. Тукай исемендәге Татар дәүләт филармониясендә Хәния Фәрхи истәлегенә “Истә калсын!” исемле концерт узды. Хәния Фәрхинең бертуган сеңлесе Фирүзә ханым кызы белән Башкортстанның Тәтешле районыннан килгән. 

Фирүзә апа – җырчы гаиләсендә төпчек бала. Аның белән берничә сүз белән генә аралашып алырга җай чыкты. 

–  Фирүзә апа, бүген нинди тойгылар белән утырдыгыз? Хәзер инде вакыт уза бару белән, апагызны югалту ачысы бераз басыламы, әллә киресенчәме?

– Юк, сеңлем, көчәя генә, минут түгел, секундлары авыр, бик авыр. Ничек яшәп бетәргә, көч таба алмыйм. Күмгәннән соң дүртенче тапкыр киләм инде, аралар ерак бит безнең. 800 ләп чакрым үтеп килдек бүген кызым белән. Рәхмәт халыкка! "Газиз халкым" дип дәшә торган иде. Барысына да рәхмәт, исән-сау булсыннар! Моннан да ачы газап юк. Бу безне мәңгелеккә озата барачак!

 Кызы Алиянең чыгышын ничек кабул иттегез? 

– Әкият кебек! Шулкадәр сокланып, хушым китеп карап утырдым.

– Ничек уйлыйсыз, җырлавын дәвам итәрме икән?

– Аның кечкенә Рамазаны бар бит әле...Кем белгән, бүген бертөрле уйлыйбыз, иртәгә икенче төрле булырга мөмкин. Аның дәвамы инде Алия.

– Әниегезнең хәле ничек, Фирүзә ханым? Кызын югалту җәрәхәте бик тирәндер....

– Дүртенче баласын югалтты бит инде, авыр аңа. Һаман саен күрсәтеп торалар бит, телевизордан карый. Карамасаң, карыйсы килә, ә карагач, бик авыр. Минем 1965 елгы Салават абыем калды.

– Бүген сез Хәния апага бик тә охшаган. Хәтта “ул” дип, имәнеп китәсең. Тамашачылар да игътибар итте. Сез бүген махсус шулай ясадыгызмы прическагызны?

– Әйе, бүген шулай эшләтәсем килде. Бик ярата идем аның кыяфәтен. Үзе сабый бала кебек иде бит ул, нурлы иде. Аның кебек булып булмас, әмма ләкин бүген нигәдер шулай эшлисем килде.

 

– Рәхмәт сезгә! Ходай сабырлык бирсен!

Концерт өч көн дәвам итәчәк.

Концерттан соң тамашачылар Фирүзә ханым белән фотога төште. “Мин сезнең Хәниягез түгел бит!” дип көрсенсә дә, Фирүзә ханым беркемне кире какмады.

 


чыганак: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2356
    28
    239
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6147
    2
    89
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан