Илфак Шиһапов: Илсөя Бәдретдинованың минем җырларны җырларга хакы юк!

Илфак Шиһаповның Илсөя Бәдретдинова тарафыннан башкарылган җырлары башка артистларга таратыла башлады. Декабрь аенда җырчы яңа концерт программасын әзерләве, әлеге программада Илфак Шиһаповның бер генә җыры да кулланылмаячагы хакында белдерү ясаган иде. Соңрак, Шиһапов әлеге җырларны социаль челтәрдән алып атачак икән дигән имеш-мимешләр таралды.

 

“Минем җырларны җырламау – Илсөя карары”

Халык: “Болар сугышып ята икән, аерылганнан соң да тынычлана алмый, үчләшәләр”, - дигән нәтиҗәләр чыгарырга өлгерде. Ләкин хәлләр бөтенләй икенче. Сугыш та юк. Үчләшү дә. Бу хакта Илфак Шиһапов “Intertat.ru” хәбәрчесенә үзе сөйләде.

 

 

“Минем җырларны җырламау – Илсөя карары. Мин, 300-400 мең акча кертеп, яңа программа эшләгән идем. Афишалар, билетлар бастырылган иде. Ул программаны эшләүдән баш тартты.  Мин дәшмим, кысылмыйм, үзе беләдер. Үзенә яңа программа  әзерләргә, яңа җырлар табарга, йөрергә куштым. Ләкин минем элекке җырларны җырларга хакы юк. Бу контракт нигезнедә шулай эшләнә торган әйбер. Миндә генә түгел,  “Барс медиа”да да шундый ук әйбер. Баш тартты икән, бер генә җырны җырларга да аның хокукы юк. Бу эшләр белән юридик фирма шогыльләнә”, - диле Илфак Шиһапов.

 

Ул социаль челтәрдән әлеге җырлар алынмаячагын әйтте. Әмма Илсөя әлеге җырларны солянка кебек катнаш концертларда җырларга хокуклы. “Анысы безнең алдан сөйләшенгән әйбер”, - ди бу хакта Илфак Шиһапов.

 

“Иске җырларны тозлап булмый”

 

Илфак бу популяр җырларын башка артистларга тарата башлаган. Ул җырларны сораучыларның күп булуын да сөйләде.

 

“Бу җырны мин җырласам ярыймы?” - дип сорап, көн саен шалтыраталар. Тарата башладым. Мин аларны тозлап куя алмыйм бит инде”, - ди ул.

 

Шул ук вакытта Илфак Шиһапов кайбер җырларның, дөрестән дә, Илсөя башкаруында гына кабул итүен  кире какмады.

 

Башка җырчылар башкаруында әлеге җырлар халык тарафыннан кабул ителерме дигән сорауга: “Эш популяр булуда түгел. Һәр башкаручы җырны үзенчә ача. Миңа аларның популярлыгы кирәк түгел. Мин журналист, продюсер да, композитор да түгел », - дип җавап бирде.

 

Илсөя Бәдретдинова исән, әмма Илфакка акча бирергә җыенмый

 

 

Илсөя Бәдретдинова бүген концерт программасы белән Татарстан районнарында гастольләрдә йөри. Илфак кушканны үтәгән: яңа төркем җыйган, яңа җырлар туплаган. Концертларга йөрүчеләрнең күп булуын, бик җылы кабул итүләрен әйтте.

 

Концерт программасының исеме кызыксыну уятты. “Мин исән”. Илсөя нигә шундый исем сайлавын аңлатып китте:

 

“Соңгы елларда бик күп гайбәтләр йөрде. Ябыгуым белән бәйле рәвештә, “Үлә икән бу, рак белән чирли, шуңа ябыккан”, - дигән сүзләр ишеттерделәр. “Бүтән сәхнәгә чыкмый, Илфак чыгармый икән”, “Җырлый алмый икән”, - дип сөйләүчеләр табылды. Бөтенесен бергә җыйдым да шуларның, “Мин исән, никакуй”, - дидем.

 

Концерт программасына Илфак Шиһаповның бер генә җыры да кермәгән

 

 

“Җырлаган очракта мин аңа зур процент акча түләргә тиеш. Ул моны контракт дип аңлата. Миңа алай эшләүдән мәгънә юк. Илфакның җырларын сорыйлар. Бер-ике концертта  булып алды шундый хәл. Хәзер концерт башыннан ук әйтеп куям, аңлатам. Илфак турында начар сүзне үзем дә сөйләмим, кешегә дә сөйләтмәячәкмен. Безнең улыбыз бар, мин соңгы сулышыма кадәр аңа рәхмәтле булачакмын. Акчага кагыла торган эшләр икенче нәрсә,” - ди Илсөя.

 

Җырчы үзе башкарган җырларның язмышы өчен башта нык борчылган. “Авыр моментлар булды. Мине халык шул җырлар белән кабул итте, мин аларны күңелемнән үткәреп башкардым”, - ди ул.  Әлеге карарның дөресме, дөрес түгелме икәнен вакыт күрсәтер, ди ул.

 

Илсөя хәзер Айдар Тимербаев, Ризван Хәкимов, Зөфәр Хәйретдинов, Ләйсән Мәхмүтова белән эшли. Бик күп җырларга шигырьләрне Вәсимә Хәйруллина язган.

 

“Ул олы апа. Сарман районында яши. Бик озак эзләндем. Миңа мөгезле җырлар кирәк бит. Без бер-беребезне ярты сүздән аңлыйбыз Вәсимә апа белән. Нәрсә кирәклеген аңлатам да, ул икенче көнгә үк шигырен язып та бирә”, - дип таныштырды ул аның белән.

 

Гайбәт таратучыларга, тырнак астыннан әле дә кер эзләп утыручыларга Илсөя Бәдретдинова кайнар сәламнәрен җиткерде. “Продюсерга кияүгә чыктыгыз. Популяр булдыгыз да төкереп китеп бардыгыз”, - дип әйтүчеләр бар диде ул.

 

“Бергә яшәгәндә 16 фатир алыштырылган, күпме таракан үтерелгән”

 

 

Ул җырчы Илфак Шиһапов белән, балаларына ике ай чакта авылдан чыгып китүе, улларының сәхнә артында үсүе хакында искә төшерде.

 

“Мин аңа кадәр җырчы түгел идем, миңа кадәр ул продюсер түгел иде. Без бер-беребезгә таяныч булып, бер-беребезне үстердек. Бик зур авырлыклар аша узарга туры килде. 16 квартира алыштырдык. Күпме кеше әшәкесе җыелган, күпме таракан үтерелгән, күпме клублар тапталган. Акча юк. Шулай башланган әйбер иде бу”, - диде ул.

 

Илсөянең диван кибетендә сәүдәнең ничек баруы белән дә кызыксынучылар күп икән. Җырчы мебель кибетендә эшләрен җайлаган - җырларга да, сатарга да өлгерә.  


чыганак: http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кайгыда да, шатлыкта да бергә без Мин иң бәхетле хатын идем. Яраткан ирем, кызыбыз туды. Әмма Аллаһы Тәгалә безгә сынау әзерләгән булган икән. Ирем түзәр микән дигән сорау белән башланды һәр көнем ул вакытта...
    16713
    3
    105
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    5489
    7
    57
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    4931
    3
    44
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    3803
    0
    39
  • «Ә мәхәббәт гомерләрдән озын...» Хәдичә хәзрәтләре үлем түшәгендә ятканда, Мөхәммәд пәйгамбәребез аның янына килә һәм хәл-әхвәлен сораша, аннан болай ди: «Хәдичә! Анда баргач, синең кыямәттә көндәшең булачак – фиргавен кызы Асия белән Мәрьямне күрерсең... Аларга миннән сәлам әйт!»
    3498
    0
    37
Реклама
Реклама
Соңгы комментарийлар
  • 24 ноябрь 2022 - 13:01
    Без имени
    Ирегез чыгып кит дигэн сузне котеп кенэ торган инде, анын чыгып китергэ дигэн уе куптэн булган, сез тизлэткэнсез генэ. Всё равно китер иде, икенче жае чыгар иде. Сез, узем куып чыгардым диеп узегезне гаеплэп яшисез. Ирегезгэ шулай жайлы булган балалар алдында да.
    «Иреңне берәүгә дә бирмә!»
  • 24 ноябрь 2022 - 09:46
    Без имени
    Хыянәтне бернәрсә белән дә аклап булмый. 40 ел үтте хыянәтенә, менә кичә булган кебек кенә. Йөрәктән китми. Кабат бәрепләр үтерәсе килә. Сез ханым, ялгыз калгансыз хәзер, шуңа кичерәсе калган, дип уйлыйсыз. Ләкин кире кайтара торган хәл түгел бит инде. Гел уйлап тагын психушкага китәсез бит. Вакытыгыз күп мени шулай?
    «Иреңне берәүгә дә бирмә!»
  • 24 ноябрь 2022 - 11:41
    Без имени
    Мин балаларым алдында нык гаеплемен шундый атай белән үскәннәренә. Аерылышу элек оят иде.
    «Иреңне берәүгә дә бирмә!»
  • 25 ноябрь 2022 - 00:24
    Без имени
    Ғәфү итергә булыр ине, әгәр ҙә ирегеҙ ғәфү һораһа, бик үкенһә,башҡа ҡабатланмаясаҡ тип һүҙ бирһә, ант итһә. Алдығыҙҙа торҙомо тубыҡланып, баш эйеп. Юҡ. Юҡ бит!!! Ул ғүмер буйы йөрөр ине, һеҙ ғүмер буйы яфаланыр инегеҙ, әле һеҙ бер ауырып алғанһыҙҙа һауыҡҡанһығыҙ, ә ирегеҙ менән йәшәһәгеҙ сәләмәтлегегеҙ ҡаҡшар ине, йөрәк ауырыулы булып ҡалыр инегеҙ. Балаларығыҙ әтиһеҙ, әммә тыныслыҡта үҫкән. Көн һайын талашлы- ыҙғышлы өйҙә йәшәү тамуҡҡа тиң булыр ине барығыҙ өсөн дә. Был осраҡта ғаиләне һаҡлап ҡалыу дөрөҫ булмаҫ ине.
    «Иреңне берәүгә дә бирмә!»
  • 23 ноябрь 2022 - 18:41
    Без имени
    Хатыннар ирлэрне кичерерхэ тиешме!
    Мин хыянәт иттем... 
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда