Фәнис Җиһанша: Мансур миңа охшаган

Белгәнегезчә, Казанда тулы метражлы «Кире» нәфис фильмын төшерә башладылар. Фильмның режиссерлары яшь кинематографист Рөстәм Рәшитов һәм Илсөяр белән Дан Дамаскиннар. (Без бу иҗат төркемен «Тапшырылмаган хатлар» фильмы буенча беләбез).

Фильм өлкән һәм яшь буын арасындагы аңлашылмаучанлыклар турында Төп герой – Мансур үзенең элеккеге дөньясын саклап калырга тырыша. Бер генә яңалыкны да кабул итәргә теләми. Ә тормыш алга атлый... Шуның аркасында якын кешеләре, кызы белән сүзгә килә.



Фильмда Россиянең танылган актеры Камил Ларин да уйный. Төп рольдә исә – Г. Камал исемендәге татар дәүләт академия театрының күренекле артисты Фәнис Җиһанша.



«Кире» нәфис фильмындагы роле турында Фәнис Җиһанша безгә менә нәрсәләр сөйләде:

–​ Бу сценарий өстендә эш бер ел элек башланганда, аның авторлары миңа шалтыратып: «Менә безнең шундый проект булачак. Киносценарийны сезне генә күздә тотып язабыз. Әгәр сез август-сентябрь айларында төшәргә ризалашсагыз, әйбәт булыр иде», – диделәр. Кыскача гына эчтәлеген дә сөйләп бирделәр.



Мин, әлбәттә, ризалаштым. Төп геройның – Мансурның дөньяга карашы минеке белән туры килә. Ул татар теленең язмышы өчен борчылып, җанып йөри, аңа борынгы татар көйләре якын, ул бүгенге эстраданы бик үк кабул итеп бетерми. Аның компьютерында бөтен программаларның татарча версияләре генә тора. Ул гаделлек өчен көрәшә...

Минем ризалыгымны алганнан соң, персонажларга кастинг игълан ителде. Фильмда минем хатынымны уйнаячак кешене бик озак эзләдек.



Һәм инде менә быел, сентябрь аенда «Кире»не төшерә башладык. Мәскәүдән, махсус бу фильмда төшәргә, Камил Ларинны чакырдылар. Ул шәһәр уртасында дип әйтерлек яшәп яткан йортымнан, җаен табып, мине күчергә теләгән персонажны уйный.

Камил съемкалар вакытында үзен бик кешелекле, итәгатьле, ярдәмчел буларак танытты. Һәм инде миңа калса, бу фильмдагы безнең эшебез актерлык баскычында үзенең мөһим бер урынын алыр дип уйлыйм.

Фәнистән тыш бу фильмда Эльмира Кәлимуллина, Зөлфия Вәлиева, Фирая Әкбәрова, Гузәл Сибгатуллина, Әзһәр Шакиров, Ришат Әхмадуллин, Илфат Камалиев, Олег Фазылҗанов һ.б. катнаша.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2361
    28
    239
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6152
    2
    89
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан