Элвин Грей: «Популярлыктан уңайсызланам...»

 Пандемия миңа файдага гына булды. Җырлар яздым. Өемдә студиям бар. Сентябрь аенда башкорт һәм татар телендә альбомым чыгачак. Моңа кадәр вакыт таба алмый идем. Безнең концерт графиклары бер ел алдан төзелеп куйган. 

 Мин – дөнья кешесе. Башкорстанда тудым. Мәскәүдә дә яши алам. Казанда да йорт төзедем. Кайда яшәвем мөһим түгел, күңелем белән башкорт булып калам. Мин анда тудым, туган телем – башкорт теле. 


Артистларга комачауларга кирәкми. Ярдәм итүгә килгәндә... Музыка белән мәктәптә укыганда ук шөгыльләнә башладым. Башкортстанда яшәгәндә студияләргә ничек эләгергә белмәдем. Әти-әниемнәр – гап-гади кешеләр. Төзүчеләр. Әни хәзер минем белән Казанда яши. Ул вакытта  әни  кредитка компьютер сатып алды. Аны биш ел буе түләдек. Музыка язарга өйрәтүчеләр булмады. Китаплардан укый-укый өйрәндем. Ноутбук булса, хәзерге технологияләр белән музыка язарга өйрәнеп  була. 


Уңышымның сере – хезмәт сөючәнлектә. Талант кына җитми. Талантлы кешеләр эшләргә яратмый икән, берни дә килеп чыкмаячак. 


Беренче альбомым магнитофон кассетасында чыгарга өлгерде, ә беренче клибымны кредит картасыннан акча алып төшердем. 


10 нчы класста студиягә аранжировщик булып эшкә урнаштым. Музыка белән шуның кадәр җенләнгән идем, укырга да җүнләп йөрмәдем. Ярый, Бердәм дәүләт имтиханнарына кадәр аттестат алырга өлгердем.


Музыкаль белемем юк. Тавышымны да куйдырттырмадым. Мәктәптә укыган вакытта төрле түгәрәкләргә йөрдем. Баянны бик тиз ташладым. Курайда уйный беләм. Мәктәпне тәмамлаганнан соң сәнгать училищесына укырга керергә теләдем, әмма тавышың куелмаган дип алмадылар. Хәзер моңа бик шатмын.
 Җырлый башлаганда минем  тамашачыларым  кызлар гына иде.  Радиодан өйгә пачка-пачка хатлар китерәләр иде. Өлкән аудиторияне җәлеп итәсем килде. «Ашкына күңел» җырын яздым да, өлкәннәр тартыла башлады. Җитди концертларга чакыра башладылар. Миңа ул вакытта 18–19 яшь иде.


Татарстан – минем өчен бик уңайлы урнашу урыны. Башкортстан да янәшә, Мәскәү дә монда гына.  Казан – минем шәһәр. Миңа монда бик ошый. 
Элвин Грей дөньяга танылсын өчен бераз гына вакыт кирәк. Тиздән яңа җырлар ишетерсез. Алар бик үзенчәлекле! 


Минем җырларны Тайландта тайлар да тыңлый. 


Тәнкыйтьчеләрне бик яратам. «Диван тәнкыйтьчеләре» кәефне көтәрә. Күбрәк языгыз! 


Артистлар белән чыккан төрле низаглар алдан сөйләшенеп эшләгән эш түгел.  Ул үзеннән-үзе килеп чыга. Мин кеше күзенә карап алдалый белмим. Уйлап чыгарсак, бик уңайсыз булыр иде. Бөтен судлар да чын хәлләр. Конфликтлар чыкканда үзем дә борчылам. Бары тик гаделлек булуын гына телим. 
Танылудан үстем инде мин. Популярлыктан хәтта бераз уңайсызланам да. 

Фикерләр Андрей Кузьминның «Интервью без галстука» тапшыруыннан язып алынды.

Фото җырчының социаль челтәрләреннән алынды

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балагызны үзем карап торам! - 1 Кызлары туганнан бирле Аида белән Тимурның иртәсе гел бертөрле башлана хәзер. Тимур иң беренче булып уяна да, нәни кызы белән төне буе бала караваты яныннан китмәгән хатынын уятмаска тырышып, аш бүлмәсенә чыга. Иртәнге ашны ашагач, кереп битләреннән генә пәп итеп ала да эшкә китә.  Подъез ишегеннән чыгуга телефоны пипылдаганына да ияләште ир. Ул беренче  катка төшеп җиткәнче, хатыныннан уңышлы көннәр теләп смс килеп җитә. Ә ул телефонын алып «Рәхмәт!» яза. Бүгенге иртә дә нәкъ шулай башланды.
    6244
    7
    110
  • Гафу итә алмыйм сине, әни! 2 Шулай да ул ЗАГСка килгән иде. Без машинадан төшүгә яныма килде. – Син ... монда? – гаҗәпләнүемне яшерергә дә теләмәдем.
    6544
    7
    91
  • Картаясың барын онытма! Килен кыз булмый. Бу әйтемне барыгызның да ишеткәне бардыр, мөгаен. Дөрес әйтә халык, берәү дә киленен дә, киявен дә үз баласы кебек ярата алмый. Кайнана белән кайната да үз әти-әниең кебек үк түгел, билгеле. Ләкин яратуга алмашка хөрмәт дигән хис тә бар бит әле.
    7088
    0
    62
  • 5378
    0
    49
Реклама
Реклама
Соңгы комментарийлар
  • 4 декабрь 2020 - 11:46
    Без имени
    Әсәр ошамады!!!! Банальная история, банальные мечты
    Кыланчык - 5
  • 4 декабрь 2020 - 14:48
    Без имени
    Иң җиңеле кешегә киңәш бирү. Үзеңә кагылмаганда бар да ап-ачык кебек. Үз башына төшкән кеше генә белә үз хәлен, бу хәлдән ничек чыгарга белми буталып бетә. Аллаһ ярдәменнән ташламасын.
    ​Алдап... һәм алданып
  • 3 декабрь 2020 - 09:12
    Без имени
    СубхәнАллаһ, субхәәнАллаһ, субхәәнАллаһ! Тагын да шундый әсәрләр көтеп калам.
    Кешегә килгән кайгы аның тирә-юнендәгеләрне дә сыный
  • 3 декабрь 2020 - 10:54
    Без имени
    Ахры яхшы тэмэмлэнгэн экият.
    Ай сылуы-5
  • 3 декабрь 2020 - 16:28
    Без имени
    Кыз ике институт бетерде, нык акыллы, надан анасына килеп йорми. Килсеннэр,, эни,, бер генэ була дип килуне кирэксенмилэр. Ин гажэбе бер района яшибез. Ойлэнгэч улым 3ел ботенлэй килмэде, Хэзер дэ санга сирэк кенэ килэ. Э кыз, узенэ кирэксэ шалтрата, кирэкмэсэ юк.
    «Ирне ташлап йөрү буламы?!» 
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...