Логотип
Яңалыклар

​«Йолдызлык» сезгә дә килер!

«Созвездие-Йолдызлык» фестивале лауреатлары республика авылларында чыгыш ясаячак икән! Кичә «Йолдызлык» Алексеевск районы Лебедино авылы мәдәният йортында чыгыш ясап, халыкны шаккаттырган. Быелгы иң яхшы номерлар һәм фестивальнең «алтын фонды»на кереп калган төрле еллар Гран-при ияләре Трның атказанган артисты Рузил Гатин, «Останкино» кино һәм телевидение югары мәктәбе әйдәп баручы укытучысы Владимир Шнитко, җырчылар Алексей Родионов, Илгиз Зәкиев, Александра Бушуева, Марина Михайлова, Игнат Изотов, Камила Залиева, Зилә Гибатова, башында Татарстан Президенты Рөстәм Миңнеханов торган «Бердәм Россия» партиясе республика исемлеген хуплап, концертлар бирә башлаган шулай. Бу хәбәрне ишетү белән тизрәк танышларга, дусларга шалтырата башладым. «Сезгә дә килерләр, бармый калмагыз!» – дим. 27 – 28 августта, мәсәлән, Нурлатта чыгыш ясаячакар, педагоглар, иҗат коллективлары өчен районда масштаблы мастер-класслар үткәрәчәкләр икән. Тизрәк Камәрия, Алсуларны җыям: «Искиткеч булачак! Ял итеп кайтачаксыз! Ошаячак!»

«Созвездие-Йолдызлык» фестивале оешуының беренче көннәреннән үк яшь талантларны күзәтеп бара башладык. Алар турында яздык, үзләре, укытучылары белән таныштырдык. Фестивальнең «әтисе», ягъни генераль продюсеры Дмитрий Туманов, жюри әгъзалары Зилә Сөнгатуллина, Раилә Гариповалар күз алдына килеп баса. Күпме малайның, кызның йөрәгенә нур өстәгән, зур сәхнәләргә чыгарган канатлы, җырлы, биюле. Әле шунысы да бар: ул Татарстан Президенты кайгыртуында! Мин кайчандыр үзем язган «йолдызчык»лар Рәүзил Гыйльмановны, Илгиз Зәкиевне, Азнакайның «Сәйлән» ансамбле кызлары-малайларын искә төшереп алдым. Динә Гарипова, Эльмира Кәлимуллина, Айдар Сөләйманов, Рузил Гатиннар... Сәнгатькә «Йолдызлык» аша килгән талантлар күп бездә!



 «Созвездие-Йолдызлык» фестиваленең Гала-концерты! Шул сүзләр үзе генә дә күңелне әллә кая – матурлык, җыр, югары сәнгать дөньясына очырта, хыялландыра, эйфория хәленә җиткерә. Чыгышларын бер тынга яратып, сокланып, таң калып карыйсың. Алкышлар!!! Анысы инде аерым тема. Мәскәү ничек алкышлады аларны! Кырымда күпме концертлар күрсәттеләр! Ә хәзер менә Татарстан авылларында яшәүчеләрне сөендерәчәкләр! Афәрин! 

Следите за самым важным и интересным в Telegram-каналеТатмедиа

Комментарий юк

Хәзер укыйлар