​Ык буе Сабантуе – Актанышта!



Ык буе Сабан туе быел Актанышта узды.  Гаҗәеп зур бәйрәмнәр үткәреп шаккаттыра белгән Актаныш кабат кунаклар җыйды, табигатенең гүзәллеге, халкының уңганлыгы, кыз-улларының таланты белән таң калдырды. 



Башка еллардагы Сабантуйлардан быелгысы колачы белән дә, затлылыгы, зәвыгы белән дә аерылып тора иде. Ык буе авылларының III төбәкара Сабантуе бит! Аның беренчесе Башкортстанның Туймазы районы Төмәнәк авылында узган иде. Бу зур Сабантуйны уйлап табучы да шушы авыл егете, «Россия татар авыллары ассоциациясе» Бөтенроссия иҗтимагый оешмасы рәисе, эшмәкәр, җырчы, композитор Фәнир Галимов. «Ык буе районнарында яшәүче халыкларның күпчелеге татарлар. Алар элек-электән туганлашып яшәгән. Нишләп әле безгә «Ык буе авыллары Сабан туе»н бергәләп үткәрмәскә! Максат берләшү, аралашу гына түгел, татар авылларын да саклап калу бит!» – ди Фәнир Гыйльметдин улы. 

Узган ел инде эстафета Азнакайга күчте. Менә хәзер – Актанышта, дүрт елгалар илендә өченче Сабантуй гөрли. Сөн, Ык, Агыйдел, Кама кебек елгалары белән дан алган Актанышка халкыбызның милли бәйрәменә җыелганнар. 



Белмәүчеләр өчен әйтим әле: Башкортстанның Бәләбәй районыннан башланган Ык елгасы, Оренбург өлкәсе авылларын кочаклап, Татарстан районнары буйлап ага башлый. Оренбургның Абдуллино, Башкортстанның Бакалы, Шаран, Туймазы, Октябрьский, Бәләбәй, Ярмәкәй, Бишбүләк, Татарстанның Баулы, Ютазы, Мөслим, Актаныш, Минзәлә районнары барысы да зәңәр Ыкны үзләренеке күреп яраталар, аның белән гоурланалар. 

Бәйрәм «Ак калада олы җыен» театрлаштырылган тамашасы белән башланды. Мәртәбәле кунаклар Сабантуй мәйданына су юлы аша – салда йөзеп килделәр. Араларында – Татарстан Республикасы Дәүләт Советы Рәисе Фәрит Мөхәммәтшин, Башкортстан Дәүләт Корылтае Рәисе Константин Толкачев, район башлыклары, мөхтәрәм затлар... Аларны Актаныш районы башлыгы Энгель Фәттахов каршы алды һәм, авыл җирлекләре әзерләгән «Ак кирмән», «Каз иле», «Икмәк иле», «Чишмә аланы», «Милли мәйдан», «Фотошәһәр», «Чәйханә» аланнары, сәүдә рәтләре белән таныштыра-таныштыра, Үзәк трибунага алып китте. 

Мәйдан буйлап Ык буе районнары вәкилләре узды. Аларны Актанышның хезмәт алдынгылары парады алыштырды. Игенчеләр, терлекчеләр, сыер савучылар, нефтьчеләр, мәгариф, сәламәтлек саклау, элемтә тармагы хезмәткәрләре, эшмәкәрләр... Комбайннар, лимузиннар, квадроцикллар... «Безнең максат – 200 мең тонна икмәк!» «Һәр көн 250 тонна сөт!» дип язылган транспарантлар... Тарантаслы атларга, кареталарга утырып, хуҗалык җитәкчеләре мәйдан әйләнде... 

Район башлыгы Энгель Фәттахов кунакларны сәламләп, олы тантананы ачып җибәрде, район ирешкән уңышлар белән таныштырды. Татарстан Дәүләт Советы Рәисе Фәрит Мөхәммәтшин чыгышында Татарстан Президенты Рөстәм Миңнехановның Ык буе авыллары Сабантуена сәламен һәм котлавын җиткерде, бар яктан да уңган-булган Актаныш халкына рәхмәтен белдерде, алдынгыларга бүләкләр тапшырды.    



Актанышның «Агыйдел» дәүләт җыр һәм бию ансамбле, Мөслим районының «Ык буе» халык җыр һәм бию ансамбле, Әлфия Афзалова исемендәге халыкара фестиваль бәйгесе лауреатлары чыгышлары, милли көрәш, автоузышлар... Ипподромда узган атлар чабышы үзе бер тамаша! Ат спорты федерациясе экс президенты Салихҗанов Рәүхәт Салихҗан улы призына юртаклар, Авыл хуҗалыгы идарәсе башлыгы, район хакимияте башлыгы призларына чиста токымлы чабыш атлары, юртаклар, Ат спорты федерациясе президенты призына хуҗалык атлары, җигүле атлар... 

Һәркайсы Сабантуй бизәге булып күңелләргә уелып калды. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7648
    1
    66
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5477
    2
    52
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7522
    1
    51
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    3810
    1
    44
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»