«Әйдә ТНВга»

 Алар әле урта мәктәпне тәмамлау турында аттестат та алмаган, ә үзләре инде студентлар...

Киләчәк турында алдан кайгыртырга күнеккән профессионаллар шулай эшли икән ул. Бүгенге вазгыятьтә, шушы мәлдә туган телебезне саклап калу өчен мөнбәрләрдән сөйләү генә җитми шул.  «Татарстан – Яңа гасыр»  телерадиокомпаниясенең  генераль директоры Илшат Әминов кыска гына арада үткәрелгән «Әйдә ТНВга» республика бәйгесенең җиңүчеләрен игълан иткәндә, тирән белемле, һәр яктан әзерлекле журналистлар әзерләүнең мондый юлларын да сынап карауларына куанып та, журналистикада укуны  бары түләүле итү уңаеннан килеп чыккан проблемалар турында уйланып, борчылып та утырдым.

Әлеге бәйге дә тиктомалдан булмады. Беренчедән, ул журналист булырга теләгән, ихлас теләгән, һәм инде бу катлаулы өлкәдә үзләрен күрсәтергә өлгергән кыз һәм егетләргә юл ачса, икенчедән, телевидение дә отышта калмый. Ул үзенә шул рәвешле кадрлар әзерли.

– Бу бәйге татар журналистикасын үстерү максатында оештырылды. Әйе, ул озак бармады. Әмма лаеклыларны барлау өчен аның шунысы да бик җитте, – диде Илшат Әминов, бәйгегә йомгак ясап. – Телевидение – үзе бер дөнья. Тапшыруларны алып баруны әйтмим дә инде, камера белән ничек эшләргә, микрофонны ничек тотарга... Барысына да өйрәнергә кирәк бит. Бәйге берничә этапта үтте. 41 эш кабул ителде. Беренче этапта конкурсантлар татар телендә эссе яздылар. Икенче турда нибарысы 27 кеше калды. Ике тур нәтиҗәләре буенча алты кеше ярымфиналга чыкты. Видеоматериаллар, селфи әзерләү, инде килеп, ТНВның башкарма директоры Айрат Сибагатуллин, «Ватаным Татарстан» газетасының баш мөхәррире Миңназыйм Сепперов, «Татар-информ» мәгълүмат агентлыгының татар редакциясе баш мөхәррире Рәмис Латыйпов кебек танылган танылган шәхесләр белән әңгәмә оештыру... куелган таләпләрнең барысы да үтәлде.     

Ниһаять, «Яңа гасыр» Телерадиокомпаниясе» акционерлык җәмгыятенең журналистика һәм медиакоммуникацияләр Югары мәктәбендә (КФУ) уку өчен грант откан өч кешенең исеме аталды. Менә алар: Алия Сабирова (Арча районы), Сиринә Сахапова (Лениногорск шәһәре), Инзилә Хөсәенова (Азнакай районы). Барысы да кызлар. Журналистикада ир-егетләр болай да аз анысы. Кызлар, әле дәүләт имтиханнарын тапшырмаган килеш студент булдылар, бушлай уку бәхетенә ирештеләр. Укулар биредә түләүле хәзер. Кызлар өчен акчаны «Татарстан – Яңа гасыр» телерадиокомпаниясе түләячәк. «Сез әйбәт укырга тиеш, начар укысагыз, акчаны кире кайтарачаксыз», – дип шаяртып та алды Илшат Әминов. ТНВ студентлары редакция белән даими элемтәдә торырга, бер сүз белән әйткәндә, укырга да, эшләргә дә өлгерергә тиешләр! Бәйгенең шарты шундый иде бит: «Яңа гасыр» республика каналында эшләү өчен квалификацияле милли кадрлар әзерләү!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 11:49
    Без имени
    И аллакаем, Тәрбия газетасын чыгарган Газинур дип аңладым инде. мин укытучы кеше бик күп ачык дәресләремне 10-15 еллап шул гэзетада бастырдым бит. ирле-хатынлы газета чыгардылар алар. Раббым сабырлык бирсен сезгә, балаларыгызга.
    Кияүгә сүз әйтмәгез!
  • 21 апрель 2021 - 11:44
    Без имени
    Әллә ничә кат укыдым да укыдым. Шулай искә төшергәләп тору киорәк икән дип уйладым тормыш һәм яшәү турында. бу турыда язып яхшы иткәнсез.
    Үреләм дә карыйм күңел түрләремә...
  • 21 апрель 2021 - 23:40
    Без имени
    Бик авыр хэллэр,ачы хэсрэт.Бу турыда укыганым булган икэн,исемэ тошердем.Куз яшьлэре ирексездэн ага гына.Бала хэсрэтлэрен курсэтмэсен,ходаем.
    ​Күбәләк булып очты...
  • 22 апрель 2021 - 05:54
    Без имени
    Бездэ энкэй дип йорет алар энинен энтченрахмат
    Якын ерак әбекәем
  • 22 апрель 2021 - 06:13
    Без имени
    Бик авыр хэл,Аллам сакласын ,куз яшьлэрсез укып булмый!!!
    ​Күбәләк булып очты...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»