Ураза гаете мөбарәк: республика ифтарын үткәрергә ярдәмчеләр кирәк

Быел республикакүләм ифтар мәҗлесе 22 июнь көненә билгеләнгән. “Казан Арена” стадионында узачак IV республикакүләм ифтар ашына ун меңләп мөселман җыелыр дип көтелә.
Шуңа күрә волонтерларның саны да күбрәк кирәк булачак. Быел Казанның хәрби училищесыннан да егетләрне ярдәмгә чакырырга карар кылганнар.

Озакламый рамазан аена аяк басачакбыз, ә “Казан Арена” стадионында авыз ачу мәҗлесен оештыру җәһәтеннән очрашулар, фикер алышулар башланды инде. Быел күмәк намаз уку стадион эчендә, ягъни футбол кырында узачак. Ун мең кешене урнаштыру, аларга тиешле урыннарын күрсәтү кирәк. Һәр килгән кунак үзен иркен тотсын өчен өстәлләр ике этажда әзерләнелер, дип көтелә.

Татарстан Диния нәзарәтендә Республикакүләм ифтар мәҗлесенә хәстәрләнү эшләре күптән башланып китте. Мәгълүм булганча, үткән елны ифтар мәҗлесендә биш меңгә якын кеше катнашкан иде. Татарстан мөфтие Камил хәзрәт Сәмигуллин билгеләп узганча, быел ифтар ашына 10 мең кеше килер, дигән фаразлар бар. Бирегә Татарстанның дин әһелләре, җәмәгать эшлеклеләре, Россиянең төрле төбәкләреннән килгән кунаклар, физик мөмкинлекләре чикле кешеләр, ятим балалар да чакырыла.

Мәҗлесне оештыруда волонтерларның роле дә зур булуын истән чыгармаска кирәк. Узган ел стадионда 230 волонтер эшләгән булса, быел  аларның саны күбрәк булу сорала. Татарстан Диния нәзарәтенең яшьләр бүлеге җитәкчесе Айгөл Биктимерова: “Яшьләр бүлеге булгач, безгә волонтерларны туплау мәсьәләсе йөкләнә. Быел җәмгысе 700 чамасы волонтер кирәк булачак. Алар Казаннан гына түгел, республикабызның төрле районнарыннан килерләр дип өмет итәбез”, – ди.



Волонтерларны туплау өчен яшьләр оешмалары, дини уку йортларында белем алучыларга да мөрәҗәгать итәргә җыеналар. Ифтар мәҗлесенә ярдәм итәргә теләүчеләр арасында яшьләр генә түгел, өлкәннәр дә бик теләп катнаша икән. 14 яшьтән алып 70 яшькә чаклы булганнар үз ярдәмен тәкъдим итә ала. Айгөл сүзләренә караганда, аларга аерым катгый шартлар куелмый. Араларында шәригать кануннары буенча яшәүчеләр дә бар, шулай  ук диннән ерак торганнары да очрый. Ипле, игътибарлы, хезмәт сөючән, матур киенгән булса, без барысына да шат, ди яшьләр җитәкчесе.

Татарстан районнарында гомер итүче яшьләр, өлкәннәр дә Казанда узачак дини чарадан читтә калмый. Мәсәлән узган ел, Кукмара районы сөендергән. “Кукмараны аерым телгә алып узасы килә, чөнки монда яше-карты – бөтенесе җыелып килгән иде. Араларында тулы гаиләләре белән дә килеп ярдәм күрсәтүчеләр булды. Ерак район дип тормадылар, Бөгелмә, Мөслимнән дә булышчыларыбыз булды. Питрәч, Чирмешән, Яшел Үзән дә үз волонтерларын безгә җибәрде. Быел әле менә Чистайдан зур төркем килер дип көтәбез. Шулай ук Казанның хәрби училищесында белем алучыларны җәлеп итәргә уйлап торабыз. Ике катта оештырылгач, аларның ярдәменә мохтаҗ без. Егетләр озатып, күрсәтеп торучылар буларак хезмәт күрсәтер дип исәпләп торабыз. Безгә, гадәттә, 14 яшьтән 70 яшькә чаклы кешеләр килә. Руслан исемле бер абый күптән безгә шалтыратып куйды инде. “Ифтарга сезгә булышырга киләм”, – ди. Олы яшьтә булуына карамастан, узган ел ифтардан соң өстәлләр ташып йөргән иде. Менә андый алтын волонтерларыбыз булганда, Инша Алла, барысын да башкарып чыгачакбыз. Шулай да ярдәмчеләребез күбрәк булуын телибез”, – ди Айгөл Биктимерова.

Аллаһының ризалыгы өчен авыз ачкан кешене ашатып, үзе дә ураза тоткан кешенең савабына ирешергә теләүчеләр булса, түбәндәге телефон аша мәгълүмат алырга мөмкин: 89274533000, яки Татарстан Диния нәзарәтенә мөрәҗәгать итәргә кирәк.

сылтама

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8287
    0
    82
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7515
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3648
    1
    41
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4502
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3540
    0
    26
Реклама
Соңгы комментарийлар
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
  • 26 май 2022 - 09:29
    Без имени
    Бу ир сезне хор мэт итэ, Лилияне ярата кебек тоела, монда Лилиягэ акыллы булып, кеше тормышын бозмаска иде, Аллахы Хидэят бирсен бик авыр хэл
    «Сине дә яратам, аны да», – ди...
  • 26 май 2022 - 12:13
    Без имени
    Мина бик ошады
    Җаным жәл түгел сиңа...
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда