Татарстан белән Санкт-Петербург: 17 млрд сумлык "дуслык" (ВИДЕО)

Татарстанда Санкт-Петербург көннәре бара. Бу уңайдан Казанга ике көнлек эш сәфәре белән Санкт-Петербург губернаторы Георгий Полтавченко җитәкчелегендәге делегация килде. Бүген исә башкалада губернатор катнашында Санкт-Петербург белән Татарстан Республикасы хезмәттәшлеге буенча төбәкара форум узды. Чара Татарстан белән Санкт-Петербургның бизнес-берләшмәләре арасындагы хезмәттәшлекне үстерү һәм элемтәләрне ныгытуга багышланды.


– Хезмәттәшлек турында фикер алышу, предприятиелар арасындагы ике якка да табышлы булган элемтәләрне ныгыту мөмкинлеген югары бәялибез. Санкт-Петербург – стратегик партнерыбыз. Татарстан Республикасы белән Санкт-Петербург арасындагы төбәкара товар әйләнеше 17 млрд сумны тәшкил итә, – дип белдерде ТР Президенты Рөстәм Миңнеханов форум ачылышында. Ул әлеге күләмне арттыру тәкъдиме белән чыкты.


Рөстәм Миңнеханов сүзләренчә, Татарстан Санкт-Петербургны җиңел һәм йөк машиналары, химия һәм нефть химиясе продукциясе, көнкүреш техника, азык-төлек продукциясе, дару препаратлары белән тәэмин итә. Петербург Татарстанга исә автотехника, трактор, лифт җиһазлары, җиңел һәм азык-төлек сәнәгате продукциясен кертә. "Иң мөһиме – безнең предприятиелар Санкт-Петербург оешмалары белән тыгыз һәм ышанычлы элемтәдә тора. Бу юлы Казанга машина төзү һәм энергетика җиһазлары оешмаларының вәкилләре, сәүдә һәм транспорт компания белгечләре килде. Алар Татарстанда дуслык элемтәләрен киңәйтү өчен күп төрле мөмкинлекләр таба алыр дип ышанам", – дип сөйләде Президент.  


Бүген Казанда хезмәттәшлек турындагы яңа төбәкара килешү, аны тормышка ашыру протоколы имзаланды. Рөстәм Миңнеханов фикеренчә, хәзерге вакытта икътисадны үстерүнең яңа чыганакларын эзләргә кирәк. Бу юнәлештә энергетика-чимал моделенә алмашка инновацион модель кертелә башлаган инде. 2030 елга кадәр исәпләнгән Татарстанның социаль-икътисади үсеш Стратегиясе әнә шул максатны күзаллый. Сүз уңаеннан, бу Стратегияне тормышка ашыру өчен Татарстанга Санкт-Петербург белгечләре дә җәлеп ителгән (Леонтьев үзәге).


Татарстан икътисады турында сөйләгәндә, Рөстәм Миңнеханов Кама инновацион территориаль-җитештерү кластерына аерым тукталды. "Киләсе 7 ел дәвамында әлеге кластерда сәнәгать җитештерү күләмен өч тапкырга, ягъни 2 трлн.сумга кадәр арттыру ихтималы бар", – диде Президент.


Рөстәм Миңнеханов читтәге татарлар җәмгыяте ихтыяҗларына битараф булмавы, татарларның мәдәни традицияләрен саклауда ярдәм иткәне өчен Санкт-Петербург җитәкчелегенә рәхмәтен җиткерде. "Санкт-Петербургтагы татарлар җәмгыяте белән актив эшчәнлек алып барабыз, еш күрешәбез һәм шәһәр җитәкчелегенә карата бары уңай сүзләр генә ишетәбез", – диде Р.Миңнеханов. Президент Татарстанда Санкт-Петербург көннәрен үткәрү хезмәттәшлекне һәм дуслыкны ныгытуда мөһим этап булачагын белдереп, форумда катнашучыларга уңышлар теләде.


Санкт-Петербург губернаторы Георгий Полтавченко исә үз чиратында, Казанга 40 ел элек, 1972 елда Чаллыда "КАМАЗ" заводы төзелешендә катнашканда килүен искә алды. "Мин 2005-2006 елларда да Казанда булдым. Хәтта шушы 10 ел эчендә дә Казан бик нык үзгәргән. Бик күп эш башкарылган, шәһәр бик матур һәм яшәү өчен бик уңайлы, – диде Георгий Полтавченко. – Безне уртак тарихи тамырлар, гуманитар кыйммәтләр, бердәм мәдәни киңлек бәйли. Санкт-Петербургның татарлар җәмгыяте – шәһәрдәге иң эре общиналарның берсе. Татарлар җәмгыяте белән тыгыз мөнәсәбәттә торабыз, безнең арада бернинди аңлашылмаучанлыклар да юк", – дип дәвам итте сүзен губернатор. Ул 2003 елда Санкт-Петербургның 300-еллыгы уңаеннан Казанның Питердагы Казанская урамын һәм Казан Соборы каршындагы скверны төзекләндерүен дә искә алды. Моңа җавап итеп 2006 елда Санкт-Петербург Казанның Петербург урамын төзекләндергән. Ә Казанның 1000-еллыгына башкалада бөек рус галиме, гуманист Лев Гумилевка һәйкәл куелган.


"Бүгенге көндә Татарстан белән Санкт-Петербург гомумроссия рейтингында бик күп юнәлешләр буенча лидерлыкны саклый", – ди Полтавченко. Аның фикеренчә, сәнәгать, инвестицион, мәгариф һәм кадрлар потенциалын мөмкин кадәр кулланып, икътисадны үстерүнең яңа юлларын эзләргә кирәк, дип хәбәр ителә ТР Президентының матбугат хезмәтендә.

 




 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8425
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7352
    1
    108
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5451
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4559
    6
    49
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7975
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...