«Татар телендә «күбәләк» сүзе матур яңгырый», диделәр

«Халыкара балалар көне» якынлашып килә. Шул уңайдан, Канаданың Монреаль шәһәрендә актив эшчәнлек  алып баручы «МИРАС»  милли үзәге  «Балалар көне» дип аталган  балалар фольклор фестивалендә катнашты.  

Бу фестивальны Квебек провинцияның мәдәни мирас җәмгыяте оештырды. Чарада бик күп милләт вәкилләре үз халкының иҗатын тәкъдим итте. Рус, филиппин, мадьяр, молдаван, квебек халык киемнәренең купшы орнаментлары  арасында безнең татар кызларының калфак-күлмәкләрендәге бай милли бизәкләре аерым игътибарга лаек булды. («МИРАС» үзәге үзенең кызлары белән горурлана ала!) Татар телендә сөйләшү-аралашу, бу зур шәһәр сәхнәсендә татар халык көйләрен һәм җырларын яңгырату  – күптелле тамашачы өчен  яңалык булды.  

Әдилә  Усманова белән Эрика Эллингсенның дуэтта элек тә җырлаганнары булды. Ә бу фестивальга алар биюче кечкенә Камилә Усманова белән Ева Байрашованы да җәлеп иттеләр: «Ай, былбылым», «Күбәләк» кебек татар халык җырларын күмәк биеп-җырлап, Төньяк Америкада яшәүчеләрнең  кәефен күтәрделәр.  

Фестивальне алып баручы да: «Татар һәм башкорт дигән бик матур халыклар иҗатын мин беренче күрәм һәм бик сокланам», – диде. Яшь артистларыбызның чыгышыннан соң, татар телендә «күбәләк» сүзе бик матур яңгыравы турында да әйтте ул.  

Яшь артистлар фестиваль сәхнәсендә чыгыш ясаган вакытта, «МИРАС» үзәгенең оста хуҗабикәләре шулай ук актив эш алып бардылар. «Танышу кичәсе» дип аталган чарада алар Буфет тәкъдим иттеләр. Кунакларны татар сүзләренә өйрәтә-өйрәтә сыйлап, үзләре әзерләгән искиткеч тәмле ризыкларның тарихы, чыгышы турында да кызыклы әңгәмә алып бардылар. 

Светлана Догадкина хәзерләгән өчпочмаклар, Роза Каримованың вак бәлешләре, Зилә Миргалиеваның чәкчәге, Ландыш Мингазованың кыстыбыйлары бар халыкны үз янына җыйды. Тәмле ризыклар пешерүче алтын куллы бу ханымнар Монреальнең  рус  телле тамашачысына күптән билгеле. Инде күп мәртәбә аларны үз бәйрәмнәрендә бик теләп катнашуларын сорыйлар һәм яратып, җылы кабул итәләр.  

Инде хәзер Монреальнең Сабантуе якынлаша. Бәйрәм аланында бай милли колорит, күңелле уеннар һәм хуш исләр милләттәшләрне, җыйналган кунакларны янә куандырыр. 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 27 июль 2021 - 09:58
    Без имени
    Бик куркэм! Шундый ерак жирдэ дэ теллэрен, милли ризыкларны hэм культураны онытмыйлар!
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8636
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8911
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8740
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4372
    4
    49
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан