​Сургут шәһәрендә яшәүче милләттәшләребез Ифтар ашы уздырды



Барыбызда белүебезчә мөселман календарендә 16 майдан алып 14 июньгә кадәр Рамазан ае бара. Изге Рамазан аенда Ифтар ашлары уздыру Сургут шәһәрендә күркәм гадәткә әверелде. Сургут күпмилләтле шәһәр. Аның яртысын мөсеман халкы тәшкил итәдер. Биредә һәр мөселман халкының күбесе Ураза тота. Бу айда изге гамәлләр эшләп калырга ашыга. Сургут мәчетендә ифтар ашлары уздыруда үз өлешен кертеп калдырырга тырыша. Мәчеттә ай дәвамында Ифтар ашлары уза. 

7 июнь көнне Сургутта яшәүче татарлар бер табын артына - Ифтар ашына җыелды. Чираттагы Ифтар ашын Сургут шәһәре иҗтимагый татар милли –мәдәни мөхтәрияты активистлары, иганәчеләре, Сургут мәчете хезмәткәрләре белән бергәлектә үткәрде. Бары тик хәләл ризыклардан гына әзерләнгән сый-нигъмәтле табын артына 80 татар җыелган иде. Ифтар ашын ХМАО - Югра мөселманнарының Диния нәзарәте мөфтие Таһир хәзрәт Саматов ачып җибәрде. Ул кунакларга рухи азык өләште – Рамазан аеның әһәмияте, Ислам сафлыкка, намуслылыкка, тыйнаклыкка өйрәтә, шуңа күрә мәчеткә һәрдаим йөргәннәргә халык, бигрәк тә яшьләр белән еш аралашырга, аларны исламдагы күркәм гадәтләрне өйрәнүгә җәлеп итәргә тиешлеген әйтте. Рухы нык булып, сынауны намус белән үтәүчеләр ихтирамга һәм олы хөрмәткә лаек, диде. Әлеге Ифтар ашын уздыруда зур теләктәшлек күрсәткән иганәчеләргә, татар активистларына, мәчеткә ел дәвамында йөргән дусларга, килгән кунакларга саулык - сәламәтлек, иман байлыгы, тынычлык, сабырлык теләде. Тоткан уразаларыбызны Аллаһ кабул кылсын! Амин! 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»