«Шәһәр-арт-әзерлек»: проектны мәхәббәт темасы берләштерә

2-11 июнь көннәрендә Казанда “Шәһәр-арт-әзерлек” (“Город-арт-подготовка”) яшьләр театры лабораториясе узачак. Россия театр эшлеклесе Олег Лоевский җитәкчелегендәге проектта Италия, Швецария, Санкт-Петербург, Мәскәү, Елец, Казан шәһәрләреннән режиссерлар катнаша.
Өченче тапкыр оештырыла торган “Город-арт-подготовка” лабораториясенең максаты: театрның сәхнә арты, сәхнә, иҗат турында мәгълүмат бирү, театр һәр урында, төрле кешеләр белән, монда һәм хәзер була алуын күрсәтү. Чарада Казан театр училищесы студентлары, Г.Камал исемендәге театр, Казанның Яшь тамашачы театры артистлары катнаша. Театраль булмаган мәйданчыкларда куелган спектакльләрнең эскизлары лабораториянең нәтиҗәсе булачак. Һәрбер спектакльнең алдагы язмышын тамашачылар хәл итә, ди проект авторлары.

“Живой город” заманча сәнгатькә ярдәм итү фонды директоры Инна Яркова белдергәнчә,“Шәһәр-арт-әзерлек” яшьләр театры лабораториясе барышында Иван Вырыпаевның әсәре буенча эскиз спектакле татар телендә тәкъдим ителәчәк. Режиссеры – Италиядән килгән Алессандра Джунтини. Шулай ук балалар аудиториясе өчен «Тан батыр или никогда не сдавайся» әкияте буенча эскиз әзерләнәчәк (режиссеры – Радион Букаев). 5-11 июньдә Г.Камал театры, Яшь тамашачы театры биналарында, “Угол” иҗат берләшмәсе, Лядской бакчаларында лаборатория 10 тамаша күрсәтергә әзерләнә. Спектакльләрнең театраль эскизларын карарга теләгән һәр кеше килә ала. Керү бушлай, моның өчен бары тик алдан http://zhivoy_ gorod@mail.ru теркәлергә кирәк.

– Быелгы чара мәхәббәт темасын берләштерә. Материал сыйфатында теге яки бу драматургның әсәрләре генә түгел, ә архив материаллары да файдаланыла. Узган ел Россия белән Швейцариядән генә вәкилләр катнашса, быел Италиядән дә киләчәкләр. Казан режиссеры Регина Саттарова да үз хезмәтен күрсәтергә җыена, – ди оештыручыларның берсе Диана Сәфәрова.

Лаборатория ТР Мәдәният министрлыгы ярдәмендә “Живой город” заманча сәнгатькә ярдәм итү Фонды тарафыннан уздырыла.

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан