Сезнең ишегалдына фонтан кирәкме, юкмы – үзегез хәл итәсез

Бүген сайлау участогында сайлаучыларга тәкъдим ителгән  «Безнең ишегалды» дигән анкеталарга ике атна эчендә анализ ясалачак. Һәм шулар буенча тиешле карарлар кабул ителәчәк. Бу хакта бүген «Пирамида» мәдәни-күңел ачу комплексында эшләүче бердәм мәгълүмат үзәгендә Татарстан Республикасы төзелеш, архитектура һәм торак-коммуналь хуҗалык министры урынбасары Алексей ФРОЛОВ хәбәр итте. 

– Дәүләт программасы нигезендә, Казан, Чаллы, Түбән Кама шәһәрләрендә 2800 ишегалды ремонтланды инде, – диде ул. – Өч ел эчендә барлык ишегаллары да тәртипкә салынырга тиеш. 

Бүген бу анкета 18 торак пунктта таратылды. Иң актуаль сораулар, һәрвакыттагыча, түбәндәгеләр: подъездларга керү юлларын, ишегалдындагы юлларны ремонтлау, парковка мәсьәләсен хәл итү, яктыртуны көйләү (соңгысы бигрәк тә көзен актуальләшә). 

«Идеаль ишегаллары бездә бармы, андый мисаллар китерә аласызмы?» – дигән сорауга ул:

Реклама

– Билгеле, бар, – дип җавап бирде. – «Весна», «Салават күпере» кебек яңа микрорайоннарда урнашкан кайбер ишегаллары турында шулай әйтеп була. 

Журналистларның:

– Ә халык ишегалдында фонтан төзүне сораса? – дигән соравына  министр урынбасары:

– Андый ишегаллары Казанда бар инде, – диде. – Мәскәү районында, мәсәлән, аннан Идел буе районында. Әгәр тирә-күрше йортларда яшәүче халык җыелып: «Безгә фонтан кирәк», – дип хәл итә һәм бу фонтанны тоту чыгымнарын үз өсләренә алырга әзер икән – фонтан эшләячәк. 

«Безнең ишегалды» анкетасы бүген үк кайбер йортларны берләштерде инде: интернетта Киров районындагы бер йортта яшәүчеләрнең башта ишегалларына чыгып, бергә чәй эчүләре, аннары бергәләп сайлауга китүләре турында видео пәйда булды.  
 

Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 18 сентябрь 2019 - 00:23
    Без имени
    Бик матур тормыштан алып язылган ,дэвамы бармы ,улы исэн сау кайтамы .Мин эсэрлэрнен ахырында барлык кимсетелгэн кешелэрнен бэхетле булуын телим.
    Сүнмәс утлар булмас әле...
  • 18 сентябрь 2019 - 00:23
    Без имени
    Буталчык
    Сагыну
  • 18 сентябрь 2019 - 00:23
    Без имени
    Анлавы авыр
    Сагыну
  • 18 сентябрь 2019 - 00:23
    Без имени
    Аллам сакласын! Дошманына курергэ дэ язмасын!
    ​Үрмәкүч
  • 18 сентябрь 2019 - 00:23
    Без имени
    ,,Йэрэгемне уч тэбемдэ тотып"-дигэндэй укыдым.
    Мең дә бер... кичә?
Реклама
Кешелек хакында фәлсәфи уйланулар, робот София һәм ипи
Балачак – уйнар чак...