Рөстәм Миңнеханов: «Каравон» - Татарстанның мәдәни байлыгы

Татарстанда «Каравон-2015» XXIII Бөтенроссия рус фольклор фестивале гөрләп узды. Республиканың мәдәни «брендына» әверелгән әлеге бәйрәмдә районнардан һәм Россиянең унике төбәгеннән 160ка якын фольклор җыр һәм бию ансамбльләре катнашты.

Мәгълүм булганча, «Каравон» - бары тик безнең төбәктә генә үткәрелә торган рус халкының милли бәйрәме. Аның тарихы XVI гасырдан исәпләнә: Лаеш районының руслар яшәгән Никольское авылында ел саен май аенда чиркәү бәйрәме итеп, аны Николай Чудотворец хөрмәтенә оештырганнар. Ул көнне туганнар җыелышкан, һәр йортка кунаклар кайткан, авыл белән бергә табын әзерләп, халык кич җиткәч каравонга чыккан, ягъни әйлән-бәйлән әйләнгән. «Каравон»ның XX гасырның 50нче елларына кадәр яшәгәнлеге билгеле, соңрак аны дин белән бәйлелеге өчен тыйганнар. Лаеш халкы рус фольклор бәйрәме буларак, «Каравон»ны 1988 елда торгыза, һәм менә ике дистә елдан артык фестиваль республика күләмендә уздырыла.

Быелгы фестивальгә Никольское авылына Татарстан районнарыннан, күрше Ульяновск, Киров, Мәскәү өлкәләре, Удмуртия, Марий Эл, Чувашия Республикаларыннан барлыгы 160ка якын фольклор ансамбльләре җыелды. Авыл иртәдән гөрләп торды. Лаеш районы халкы гына түгел, Казаннан да «Каравон»ны карарга дип бик күп кеше килде: ике арада автобуслар йөреп торды. Авылда һөнәрчеләр ярминкәсе оештырылды: 300ләп оста теккән, чиккән, бәйләгән кул эшләрен, агач, балчык эшләнмәләрен тәкъдим итте. Балаларга атта, дөядә утырып йөрергә, карусельдә әйләнергә, аттракционнарда уйнарга мөмкинлекләр тудырылган иде. Шунда ук ачык һавада тамак ялгап алу өчен сәүдә рәтләре дә эшләде.

XXIII «Каравон» кунакларын Татарстан Президенты вазифасын вакытлыча башкаручы Рөстәм Миңнеханов сәламләде. Әйтергә кирәк, Лаеш районында Рөстәм Миңнеханов җирлекнең социаль көнкүрешен яхшыртучы тагын бер мөһим вакыйганың да шаһиты булды: Каип авылында яңа янгын сүндерү депосы бинасын һәм күпфункцияле үзәкне ачу тантаналарында катнашты. Соңгысында авыл Мәдәният йорты, почта бүлеге һәм бөтен кирәкле җиһазлар белән тәэмин ителгән фельдшер-акушерлык пункты урнашты. Халыкның мәдәни учагы булган авыл клубын җиһазлау өчен исә Рөстәм Миңнеханов 100 мең сумга сертификат калдырды.

Гомумән, халык традицияләрен саклау һәм үстерүгә гомерләрен багышлаган кешеләргә бу көнне Рөстәм Миңнеханов тарафыннан аеруча зур хөрмәт күрсәтелде. Никольское авылында «Каравон» тамашачыларын фольклор бәйрәм белән тәбрик итеп, ул Татарстанның Питрәч районы Туган як музее мөдире, «Калинушка» фольклор ансамбле җитәкчесе Елена Корябинага – Рәхмәт хаты, ә ансамбльгә 500 мең сумга сертификат тапшырды. Шулай ук Лаеш районының «Каравон» фольклор ансамблен оештыручылардан берсе, олы яшенә карамастан ансамбльнең иң актив әгъзасы Александр Спирягин да Президентның Рәхмәт хаты, ә әлеге фестивальнең чишмә башында торган ансамбль коллективы шундый ук күләмдә акчалата премия белән бүләкләнде. Лаеш районы Ташкирмән авылы Мәдәният йорты мөдире Валентина Казанбаева һәм Казанның Евгений Боратынский музей-утары җитәкчесе Ирина Завьялова «Татарстанның атказанган мәдәният хезмәткәре» мактаулы исемнәренә лаек булды.

- Татарстанның мәдәни тормышын безнең җирлектә гомер кичергән төрле милләт вәкилләренең «Каравон», «Балтай», «Уяв», «Семык», «Питрау», Сабан туйлары кебек матур милли бәйрәмнәре баетып, төбәгебезне башкалардан үзгәлеге, дустанә мохите белән аерып тора. Халыкларның үз гореф-гадәтләренә, традицияләренә мөрәҗәгать итүе, тамырларын өйрәнүе – куанычлы күренеш. «Каравон»ның да тарихы 23 ел белән генә чикләнми, ул халык күңелендә гасырлар кичеп, үзенең эчкерсезлеген саклап калган, заманча тормышта елдан-ел киңрәк яңгыраш таба бара торган бәйрәм, анда чыгыш ясар өчен Россия төбәкләреннән танылган ансамбльләр җыела. «Каравон» мәйданын, Никольское авылын төзекләндерүгә республика хакимияте үз чиратында тагын да ныграк көч куячак дип ышандырасы килә. Бу җиргә, кайсы милләттән булуына карамастан, һәркемнең кайтасы килеп торсын, - дип теләде Рөстәм Миңнеханов.

2015 ел - Бөек Ватан сугышында Җиңүнең 70 еллыгы белән истәлекле, бу уңайдан «Каравон»ның театральләштерелгән музыкаль программасы да Ватанга мәхәббәт һәм тугрылык темасын күтәрде. Рус авылларында борынгыдан егетләрне солдат хезмәтенә озату йоласы сәхнәләштерелде, авыл кешесенең тырыш хезмәтен олылаучы җырлар башкарылды. Узган ел «Каравон»га Удмуртиянең «Бураново әбиләре» ансамбле кунак буларак чакырылган булса, быел бәйрәм сәхнәсендә Мәскәүдән Надежда Кадышева җитәкчелегендәге «Золотое кольцо» ансамбле һәм «Славянские напевы» рус фольклор ансамбле чыгыш ясады.

Сылтама: http://intertat.ru/tt/madaniyat-tt/item/44694-r%D3%A9st%D3%99m-mi%D2%A3nehanov-karavon-tatarstannyi%D2%A3-m%D3%99d%D3%99ni-baylyigyi.html
Ринат НӘҖМЕТДИНОВ фотолары.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    7943
    1
    109
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    6499
    1
    99
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5092
    4
    76
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4270
    6
    47
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7528
    1
    45
Реклама
Соңгы комментарийлар
  • 1 март 2021 - 23:59
    Без имени
    Шаккаттым! Ничек инде, шулай яратышып, башкага чыгып була? Аның да яратуын белә торып? Андый ярату бар кешегә дә килми бит әле ул! Кем нәрсә әйтмәс... Сине яраткан кешегә чыгарга була, узеңнең куңелеңдә башка берәу булмаса. Ан
    Җиңгәм: «Чибәр ирләр уртак булалар», – диде...
  • 1 март 2021 - 21:30
    Без имени
    Эзме купме гомер калган, хоть шуны бергэ яшэсэлэр иде. Кемнэн куркасы? Безнен халык торле исэрлек ясый да, шул интегуне героизм итеп, кеше ни эйтер дип, хаман шул юлын дэвам итэ. Кинэштэн генэ дэ тормый. Мало ли кто что скажет, бэлки, теге жингиме, кемме апа да очраклы гына эйтеп куйган суз булгандыр ул чибэрлэр турында? Кешенен бит уз башы да бар, кинэш биргэн кеше гаепле тугел монда. Но шунысы ин кызганычы: хаман очрашмый, курешми яши бу хатын яраткан кешесе белэн, мэнге яшэргэ жыенган, диярсен. Элеге вакытта ул интегу нигэ, анламыйм.
    Җиңгәм: «Чибәр ирләр уртак булалар», – диде...
  • 1 март 2021 - 15:22
    Без имени
    Сәер кыз
    Бар да башкача булыр иде-3
  • 1 март 2021 - 16:18
    Без имени
    бер хыянэт иткэн - туктамый ул. Узегезне алдамагыз.
    Кайтуың белән... 
  • 1 март 2021 - 17:44
    Без имени
    Сез узегезне бик дорес тотасыз. Но мондый галэмэткэ чик куярга или башка отделга кучэргэ. Бары шул гына.
    Ирләр коллективында хатын-кызга кыенмы?
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...