​Ренат Ибраһимов: өемә кайту – әкияткә кайту кебек

Бүген «Татар-информ» мәгълүмат агентлыгында узган матбугат конференциясе вакытында Россиянең халык артисты Ренат Ибраһимов һәм FILMELAY аннимация студиясе җитәкчесе Даниил Фәйзрахманов журналистларга җырчының «Домой» дигән җырына төшерелгән мультипликацион клипны тәкъдим иттеләр.

– Бөтенләй башка төрле клип төшереп карарга дигән теләгем бар иде, – ди җырчы. – Аннан Казанда менә шундый студия барлыгын белдем, аларга мөрәҗәгать иттем.

Клиптагы рәсемнәр... пластилиннан ясалган. Студиядә эшләүчеләр аларны бер ел буе әвәләгәннәр. Клипта 6 меңгә якын кадр кулланылган.

– Клипны, әйтик, компьютерда гына ясаудан бу бик кыйммәткә төшә торган ысул диде, – студия җитәкчесе Даниил Фәйзрахманов. – Күршедәге кибетне шактыйга баеттык. Әмма клипның күпмегә төшкәнен әйтә алмыйбыз – безнең өчен ул бәһасез... Ул безгә бала кебек.

Уртак проектны алар әле киләчәктә дә дәвам итәргә уйлыйлар: Ренат Ибраһимов җырларыннан мультипликацион мюзикл эшләргә ниятлиләр. Анда татарча җырлар да керәчәк. Мәсәлән, «Ай, былбылым» җырына клип инде төшерелә башлаган.

Матбугат конференциясе вакытында Ренат Ибраһимов үзенең җитмеш еллыгы уңаеннан язган истәлекләр китабы турында да сөйләде. Гаиләсе, балалары турында да сүз кузгатты.

– Без өйдә татарча гына сөйләшергә тырышабыз, – диде ул. – «Татарстан-Яңа гасыр» каналы гел эшләп тора – мин үзем ике җырдан артык тыңлый алмыйм, әмма балалар аны гел ишетәләр: телне өйрәнү өчен бу бик мөһим. Өйгә, балалар янына кайту – минем өчен әкияткә кайту белән бер.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 5 август 2022 - 21:22
    Без имени
    Хикәянең теле матур.Минемчә,төп тема--мәхәббәт.Ул яшәешнең нигезе. Яратмаган кеше белән гомер кичерү--бәхет түгел инде. Шулай ук яшьләр белән өлкән буынның аңлашып яшәве дә мөһим.Балалар да алар үрнәгендә тәрбия ала.
    Кешенеке – кештәктә
  • 7 август 2022 - 06:12
    Без имени
    Сокланып ,соенеп укыдым. Алдагы гомерегездэ бэхеттэ ,тынычлыкта утсен.
    Бәхет йорты
  • 7 август 2022 - 17:50
    Без имени
    Узебез белу турында суз дэ юк, улыма да анлата алмадым...
    Башыңны сакла, балам...
  • 5 август 2022 - 14:06
    Без имени
    Бик дөрес, язса👍
    Ата белән бала
  • 7 август 2022 - 19:14
    Без имени
    Шундый матур язылган! Рәхмәт! Бу язманы күбрәк кеше укысын иде! Бәхетле гаиләләр дә күбрәк булыр иде...
    Ата белән бала
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда