«Объективта – әни» күргәзмәсе ачылды: һәр фоторәсемнең үз язмышы 

Бүген «Казан Кремле» музей-тыюлыгының «Манеж» күргәзмәләр залында «Объективта – әни» дигән күргәзмә ачылды. Бу күргәзмә – «Казан Кремле» музей-тыюлыгы, «Татарстан хатын-кызлары иҗтимагый оешмасы һәм «Сөембикә» журналының уртак проекты. Ул ноябрь аеның соңгы якшәмбесендә билгеләп үтелә торган Әниләр көне уңае белән оештырылды. Күргәзмә ачылышында РФ Дәүләт Думасы депутаты Ольга Павлова, Татарстан Президенты каршындагы мәдәниятне үстерүгә ярдәм фонды җитәкчесе Нурия Һашимова, «Татмедиа» республика матбугат һәм массакүләм коммуникацияләр агентлыгы җитәкчесе Айдар Сәлимгәрәев, «Казан Кремле» музей-тыюлыгы директоры Зилә Вәлиева, күргәзмәнең спонсоры, Inwells компаниясе җитәкчесе Радик Даешев һәм башкалар катнашты.  

   

 

Бер ел элек, журналның редколлегия утырышы вакытында, Казан фоторәссамы Әлфия Бикмөхәммәтованың «Рәссам сәхифәсе»ндә дөнья күргән эшләре турында сүз чыкты. Туган ягының матурлыгын сурәтләгән фотолар арасында өлкәннәргә – ак яулыклы Әниләргә багышланган сериясе аерым урын алып тора иде. «Ә бит бөтен Әниләр дә шушылай итеп зурлауга лаек», – дип уйладык без. Проект шулай туды.  

Журнал укучыларыбыз бу тәкъдимне хуплап каршы алды.  

Бәйгедә катнашу өчен ел дәвамында иллегә якын эш килде. Журналның укучылары бөтен дөнья буйлап таралган: фотоконкурста катнашырга теләк белдергән авторларыбызның берсе хәтта Франциядә, Парижның үзендә яши. Фотоконкурска килгән эшләрнең иң уңышлылары ел буе журнал битләрендә дөнья күрде.  

Бәйгенең шартлары буенча, иң уңышлы эшләрдән «Казан Кремле» музей-тыюлыгында күргәзмә оештыру да бар иде. Бүген бу күргәзмәдә 32 фото тәкъдим ителде.  

Безнең өчен дөньяда кадерледән-кадерле, газизләрдән-газиз зат ул Әни... «Объективта – әни» күргәзмәсе моның шулай икәнлеген тагын бер кат күңелләргә салып куйды. Ана бәхете турында бу күргәзмә. Ана шатлыгы, ана сөенечләре турында. Аның безгә биргән Җылысы турында...  

Һәр фоторәсем – үзе бер язмыш. Менә хатлардан берничә генә юл. 

«...Сез бәйге игълан иткәнче күпкә алданрак төшергән фото бу. Туган нигез. Җәй. Әни ишегалдында мунча себеркесе бәйли... Шундый кадерле истәлек ул миңа. Яшәү мәгънәсе Әни белән булганлыгын аны югалткач кына аңлыйсың икән шул...»  

«Сездә ничектер, ә безнең авылда әле мич бар! Әни бар! Җылы бар! Әниемнең кочагында оныгы – кызым бар. Нәсел дәвам итә! Бәхет шушы түгелме?!» 

«Кәләш күлмәге кигән кече кызының әтисе белән вальс әйләнүен карап утырган Әниемнең күзләрендәге моңга, сагышка гаҗәпләнмәгез. Әти яңа гына авыр операция кичергән көннәр бу. Без инде аның диагнозын беләбез... Тагын бер ай узуга без инде аны югалтачакбыз. Өчәү бергә төшкән соңгы фотосурәт...»  

«Әнигә: «Мин кияүгә чыгам!» – дип кайтып әйткән көн бу... Куаныч һәм сагыш кушылган көн. Әни елады да елады. «Нигә күз яшьләреңне түгәсең?» – дигәч, «Бәхеттән...» – дип җавап бирде...»  

«Фотода мин өч балам белән бергә. Кулымда күтәргән кечкенәсен «Ходай бүләге» дип йөртәм. Мине ул җәйне елан чакты. «Тагын биш минутка соңарсагыз, коткарып булмый иде», – диде табиблар... Бу хәлләрдән соң аз гына вакыт үтүгә балага узганымны белдем. Бернинди «ярамый»ларга карамыйча Ул туды! Могҗиза белән бер иде бу! Әйе, Ходай бүләге!» 

  

Күргәзмә ачылышы вакытында бәйгенең җиңүчеләре аталды, аларга бүләкләр тапшырылды. 1 урынны алган Лилия Кашаповага (Алабуга) бүләкне – ноутбукка сертификатны «Казан Кремле» музей тыюлыгы директоры Зилә Вәлиева тапшырды. 2 урын алган Рамилә Нотфуллина (Казан) бүләк планшетны «Сөембикә» журналының баш мөхәррире Лариса Маликова кулыннан алды.  
Өченче бүләк – смартфон Үзбәкстанда, Ташкент шәһәрендә яшәүче Сәрвиназ Кәримовага китәчәк. (Бу урын сайтта барган тавыш бирүләр нәтиҗәсен исәпкә алып тапшырылды..) 

...Фоторәсемнәрдәге Әниләр төрле. Кемдер әле яңа Әни булган – тәүге сабыен кулга алган, икенче Әниләр янәшәсендә буй җиткән ул-кызлары басып тора, өченче  фотода – балаларын таратып бетереп төп нигездә ялгыз калган Ана сурәтләнгән. Көләч, бәхетле, уйчан, моңсу, сагышлы, гамьле... Алар бар да Күкләр биргән иң зур вазыйфаны үтәгән – бала тудырган затлар. XX гасырның олы галиме Ризаэддин Фәхретдиннең сүзләре хак: «Ана булу – бөек бер нигъмәт-муллык вә тиңдәше булмаган бер хөрмәттер». «Объективта – әни»  күргәзмәсе «Манеж» күргәзмәләр залында бара торган «Ризаэтдин Фәхретдин дәресләре» күргәзмәсенең бик матур бер дәвамы булып тора.  

Күргәзмә 12 декабрьгә кадәр эшләячәк.   

Андагы фотосурәтләргә карап килгән һәркем үз Әнисен уйлар... 

 

Фоторепортаж: http://syuyumbike.ru/photo/obektivta-ni

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 25 ноябрь 2019 - 13:24
    Лилия Гараева
    Интернеттагы мәгълүматлары буенча Казан Кремлендәге «Манеж» күргәзмә залының эш режимы: дүшәмбе-чәршәмбе 10:00–17:30; җомга 11:00–20:00; шимбә-якшәмбе 10:00–17:30
  • 23 ноябрь 2019 - 10:09
    Без имени
    Күргәзмә сәгать ничәдән ничәгә кадәр эшләгәнен дә языгыз әле, барасы килә.
Хәзер укыйлар
  • 7631
    1
    66
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5447
    2
    52
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7499
    1
    51
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    3786
    1
    44
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»