Нәҗибә Ихсанова турындагы фильмда Минтимер Шәймиев һәм Туфан Миңнуллин да катнаша

XIII Казан халыкара мөселман киносы фестивалендә Татарстанның һәм Россиянең халык артисты, Габдулла Тукай исемендәге дәүләт бүләге иясе Нәҗибә Ихсанова турында документаль фильм күрсәтелде.
 
Фильмның режиссеры - Алмаз Нургалиев. Ә идея авторы - Нәҗибә Ихсанованың кызы Әлфия Миңнуллина. "Әлфия Туфановна әнисен тарихка кертеп калдырырга теләде. Шулай итеп, "Нәҗибә" фильмы туды", - дип сөйләде режиссер.
 
Документаль фильмда төрле кешеләр Нәҗибә Ихсанова шәхесе турында сөйли. Алар арасында Камал театры режиссеры Фәрит Бикчәнтәев, Нәҗибә Ихсанова белән Мәскәүдә укыган Әзһәр Шакиров һәм Равил Шәрәфиев, Азнакай районы башлыгы Марсель Шәйдуллин, "Ак калфак" татар хатын-кызлары иҗтимагый оешмасы җитәкчесе Кадрия Идрисова, Нәҗибә ханымның килендәшләре һәм сеңлесе Роза, Нәҗибә ханым үзе, Татарстанның Дәүләт киңәшчесе Минтимер Шәймиев бар. Фильмда шулай ук Туфан ага Миңнуллин да "катнаша": аның үзе исән чагында яздырып калдырган монологыннан өзекләр кергән.
 
"Бер ун елдан соң, без бу дөньядан киткәч, бу фильм бөтенләй икенче төрле яңгыраш алачак. Әлфиягә рәхмәт, ул булмаса, бу фильм да тумас иде. "Нәҗибә" - артистлар турында фильмны ничек төшерергә кирәклеген күрсәтә торган үрнәк", - дип билгеләп үтте Нәҗибә Ихсанованың сәхнәдәше, Татарстанның һәм Россиянең халык артисты Әзһәр Шакиров.
 
"Нәҗибә" фильмы мөселман кинофестивалендә "Милли конкурс" номинациясендә катнаша. Бу номинациядә җиңүгә барлыгы ун фильм дәгъва кыла.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2357
    28
    239
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6149
    2
    89
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан