Начар күрүчеләр театрда күршеләренә комачауламаячак

Камал театрында татарча тифлокомментарийлы беренче спектакль  тамашачыга тәкъдим ителәчәк. Бу хакта бүген «Татар-информ» мәгълүмат агентлыгында узган матбугат конференциясендә хәбәр иттеләр. 

Тифлокомментарий  – безнең өчен яңа сүз түгел инде хәзер. Быел җәй башында Г. Кариев исемендәге Казан Татар дәүләт яшь тамашачы театрында  «Куян Эдвардның гаҗәеп сәяхәте» (К. Дикамилло) спектакле начар күрүче тамашачылар өчен тифлокомментарий бирү юлы белән куелды. Бу проект Алишер Усмановның «Яңа караш» хәйрия фонды  программасы кысаларында «Республика сукырлар һәм начар күрүчеләр китапханәсе» белән берлектә тормышка ашырылды. 
Яңа сезонда Камал театрына килүчеләрне дә шушы яңалык көтә. Моның өчен кече сәхнәдә баручы «Килмешәк» (С. Гаффарова») спектаклен сайлаганнар. Зур сәхнәдә куелучы спектакльләргә әлегә тотынмауларының сәбәбе техник як белән бәйле. Андагы тамашалар бүген рус һәм инглиз телләренә тәрҗемә ителә, тифлокомментарий ясау өчен исә тагын бер өстәмә канал кирәк булачак. Әмма киләчәктә мондый мөмкинлек тә табылыр дип көтелә.  
Тифлокомментатор Гөлүсә Закирова – татар телендә эшләүче бердәнбер мондый белгеч Казанда.
– «Килмешәк» – минем икенче спектаклем, әмма аны әзерләү авыррак булды, – ди. – Монда визуаль образлар күп. Күрмәүчеләргә аңлаешлы булсын дип тә тырышырга, тифлокомментарий ясауның кагыйдәләрен дә сакларга кирәк. Минем максатым – кыска, матур комментарийлар бирү. Мин аны актерлар сөйләми торган арада – паузалар вакытында эшләргә тиешмен. Әмма паузаларның да әһәмияте булган вакытлар бар. Режиссер ул паузаларны юкка гына керми. Шуның өчен, теләсә кайсы очракта да төп сәнгать – спектакль булырга тиеш.  Күпләр тифлокомментарийны әдәби әйбер дип уйлый. Бу алай түгел. Мин сюжет өчен мөһим булган урыннарны гына аңлатып барам. 

Марсель Гайфуллин – «Килмешәк»не карарга барырга җыенучы тамашачыларның берсе.  
– Начар күрүчеләр театрларга йөрергә бик яраталар, – диде ул. – Әмма безгә сәхнәдә ни барганын аңлар өчен моңарчы гел янда утырган кешедән сорарга кирәк иде. Бу исә күп вакыт тирә-юньдәгеләргә комачаулык тудыра. Ә тифлокомментарий  спектакльне тулысынча аңлап карарга  мөмкинчелек бирә. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    2110
    10
    126
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3847
    5
    125
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6464
    1
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4732
    1
    51
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан