Мөселман яшьләре Болгарга җыела

16-23 июльдә Татарстанның борынгы Болгар шәһәрчегендә Мөселман яшьләре форумы узачак. Республиканың Диния нәзарәте тарафыннан мондый форум икенче тапкыр оештырыла.


Мөселман яшьләре форумының беренчесе үткән ел булган иде. Анда Татарстан, Башкортстан, Чуашстан Республикаларыннан 80 егет һәм кыз катнашты.

– Быел форумның географиясе киңәйде, Татарстанга килергә теләк белдерүчеләр күп. 200 гариза кабул иткән идек, алардан 120 кешене сайлап алдык. Нигездә, кайберәүләргә яшь буенча чикләүләр комачаулады, чөнки бу форум яшьләр өчен, анда 18-35 яшьлек егетләр һәм кызлар чакырыла. Ә 38-40 яшьлекләрне инде “бабай” дияргә мөмкин. 18 яше тулмаганнар борчылмасын – киләсе елларда катнаша алачак. Быел Татарстанның бөтен районнарыннан, Россиянең Башкортстан, Чуашстан, Удмуртия республикаларыннан, Мәскәү, Пенза, Чиләбе, Киров өлкәләреннән, Ханты-Манси автоном округыннан һәм Кырымнан яшьләр җыела. Форумның узган елда кебек махсус кунагы – Пәйгамбәребезнең (с.г.в.) нәселе вәкиле – Мароккодан ислам фәне белгече Абдерәхим Лакрим булыр дип көтәбез. Шулай ук Болгар ислам академиясен оештыру эшләренә җәлеп ителгән Иорданиянең Халыкара ислам фән университеты профессоры Абдул Разак Альсәгъди дә лекцияләр укыячак, – дип сөйләде журналистларга Татарстан мөфтие Камил хәзрәт Сәмигуллин.



Форумның максаты – төрле төбәкләрдә яшәүче мөселман яшьләрен үзара якынайту, бәйләнешләр урнаштыру, татар халкының рухи мирасы белән таныштыру. Яшьләрдә социаль, дини активлык тәрбияләү, белемлелеккә омтылышларын үстерү.

– Форумның программасы кызыклы – яшьләр Спасс районындагы борынгы Болгар шәһәрчеге территориясендә чатырлар лагерендә яшичәк. Көн саен аларга төрле темаларга дәресләр, күренекле шәхесләр, галимнәр белән очрашулар, шулай ук спорт ярышлары, Сабан туе, Болгарның, Казанның тарихи урыннарына экскурсияләр үткәреләчәк, – дип хәбәр итә ТР Диния нәзарәтенең яшьләр бүлеге җитәкчесе Айгөл Биктимерова. Экстремизм күренешләрен кисәтүгә багышланган дәресләр дә булачак.  

Форум тантаналы төстә 16 июльдә Казанда Татарстан мөфтиенең Галиев мәчете янындагы өр-яңа резиденциясендә ачылачак. Ә соңгы көнне яшьләр башкаланың Бауман урамында флешмоб уздырачак.

Мөфти сүзләренчә, Россиядә мөселман яшьләре форумы кебек чараның әле башка бер төбәктә дә оештырылганы юк. “Дагыстанда мөселман һәм христиан яшьләренең уртак форумын үткәрү тәҗрибәсе бар. Без Казан һәм Татарстан митрополиты Феофан белән дә бу хакта уйланабыз, Татарстанда мөселман һәм христиан яшьләре өчен уртак лагерь оештырырга телибез”, – дип ниятләре белән уртаклаша Камил хәзрәт.

http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6110
    1
    44
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7108
    0
    32
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3812
    0
    30
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1906
    0
    26
  • Мин аны Ходайдан сорап алдым Ул чакта алдымда ике юл иде: йә үземне тулысынча карьерага багышлыйм (мин бу вакыт Мәскәүдә, бик зур бер оешмада әйдәп баручы юрист булып эшлим), йә...
    3205
    1
    20
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда