«Мисс Татарстан» конкурсын оештыручылар: «Безнең конкурста матурлык белән генә булмый»

Менә инде 20 елдан бирле Татарстанда гүзәлләрне барлыйлар. Республикада гына түгел, ил күләмендә танылу алган «Мисс Татарстан» конкурсы быел егерменче тапкыр оештырыла.

 Шул уңайдан «Татар-информ» мәгълүмат агентлыгында конкурсны оештыручылар белән матбугат очрашуы узды. «Мисс Татарстан» иҗтимагый оешмасы Президенты Изольда Сахарова белән конкурсның режиссеры, Татарстанның атказанган мәдәният хезмәткәре Михаил Волконадский быелгы конкурсның үткән еллардагыдан нәрсә белән аерылуы турында сөйләде, серләрен ачты.

«Вакыт узганын сизми дә калганмын – инде конкурсның егерменчесен үткәрер вакыт та килеп җиткән. Мин аның яшәвенә, үсә баруына куанам. Татарстанда матур кызларның туып торуына шатланам. Матурлык конкурсы ул әле подиумнан матур итеп атлап бару гына түгел, зур җаваплылык та. Кызларыбыз ил һәм дөнья күләмендә Казанны, Татарстанны танытачак бит», - дип сөйләде конкурсның «ана»сы Изольда Сахарова.

Быел «Пирамида» сәхнәсенә 30 гүзәл чыгачак. Сайлап алу туры бик катлаулы булган, чөнки матур кызлар бик күп килгән. «Шуңа күрә шактый сайланырга туры килде. Элек кызлар «мин матур бит» дип, тышкы матурлыкларына гына ышанып киләләр иде, ә соңгы елларда аңладылар: без тышкы матурлыкны гына түгел, эчке дөнья байлыгын, акыл дәрәҗәсен һәм башка сыйфатларны да барлыйбыз. Кызларның әзерлекле килүләре бик сөендерә», - дип фикерләре белән уртаклашты режиссер Михаил Волконадский. Матбугат очрашуына акыллы матур кызлар үзләре дә килгән иде. Сүз уңаеннан, «Мисс Татарстан-2017» титулы иясе, «Мисс Россия-2017» милли конкурсының ТОП-20легенә кергән Зөлфия Шәрәфиева КФУның исәпләү математикасы һәм кибернетика факультетын тәмамлаган. Ә «Мисс Казан-2017», «Мисс Россия-2017» милли конкурсы финалисты Камилә Харисова ике югары белем алган: реклама һәм җәмәгатьчелек белән элемтә, шулай ук инглиз теленнән тәрҗемәче белгечлекләре.

 Кызлар «Сезнең өчен матурлык нәрсә ул?» дигән сорауга да җавап бирде. Зөлфия Шәрәфиева: «Акыл, эчке дөнья байлыгы булмаса, матурлык булмый, тышкы матурлык тоныклана», - дип җавап бирсә, икенче гүзәл – Камилә Харисова: «Матур булмаганнар юк, үз матурлыгын күрсәтә белмәүчеләр генә бар. Аны башкаларга күрсәтү өчен эчке ышаныч, харизма кирәк. Моңа ирешү өчен мин үзем дә шактый тырыштым», - дип фикерен белдерде.

 «Мисс Татарстан» конкурсында катнашып чыныгу алган кызларның язмышы төрле: кемдер бәхетен гаиләдә тапкан, өчәр бала табып үстерүче «мисс»лар бар икән. Кемдер карьераны өстенрәк күргән: Victoria's Secret, Dolce&Gabbana кебек дөньякүләм танылган брендларны рекламалаучы кызлар да бар икән. Зөлфия белән Камилә исә хәйрия чараларында, җәмәгать эшләрендә актив катнашуларын белдерделәр. «Мисс»ларның күбесен быелгы «Мисс Татарстан» конкурсының финалында «Пирамида» сәхнәсендә күреп булачак.

 Оештыручылар быелгы конкурсның бөтен серләрен ачарга теләмәде, сюрприз булып калсын, диделәр. Шулай да, матур тамаша күрәчәксез, дип ышандырдылар. Танылган кунаклардан модельер Вячеслав Зайцев һәм шоумен Тимур Родригез булачак.

Быелгы «Мисс Татарстан» конкурсының финалы 24нче гыйнвар көнне «Пирамида»да узачак.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2517
    28
    244
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6437
    2
    95
Реклама
Соңгы комментарийлар
  • 25 октябрь 2021 - 14:20
    Без имени
    фикерлэргэ килгэндэ торлечэ уйларга момкин, эгэрдэ бала эйбэтлэп эйткэннедэ, юмалап эйткэннедэ тынламаса, нишлэргэ сон ул энигэ, улда бит врачка барган саен эшеннэн сорап китэ, балаларда хэзер бик астыртын дип эйтимме, аларча гына булсын,
    Ташка каткан ана йөрәге
  • 25 октябрь 2021 - 15:51
    Без имени
    Таныш ситуация
    Гөлчәчәкнең яңа тормышы
  • 24 октябрь 2021 - 15:57
    Без имени
    Кызганыч хатын!Хатынлы,балалы ирне көтеп узган гомере кызганыч... Бәхетсез хатын,беркатлы...Әгәр ул ир үлеп китсә,хәтирәләр белән генә яшисе кала инде!!
    Көтеп яшәү
  • 24 октябрь 2021 - 17:04
    Без имени
    Бик. кызганыч. елый. елый. укыдым. язмыш. диген
    «Яратудан туган бала түгел мин...»
  • 24 октябрь 2021 - 15:26
    Без имени
    ""Тормыш иптәше сайлаганда хисләргә бирелеп,акылынызны җуймагыз.Сезне яратып,хөрмәт итеп яшәрдәй пар сайларга тырышыгыз''.. Исенә төшкән бу баланың-әниеңне тыңларга кирәк иде, балакаем!
    Иремнән уңмадым 
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан