Әлмәт театры – Камалда

 
14-17 февраль көннәрендә Әлмәт татар дәүләт драма театры Казанга гастрольләр белән килә.  

- Театр елының башында без Казанга Камал театрына дүрт көнлек гастрольләр белән киләбез. Дүрт көнгә җиде спектакль күрсәтәчәкбез, - диде театрның директоры Фәридә Исмәгыйлова. 

Әлмәт театры – төрлелекне ярата торган, театраль тәҗрибәләрдән курыкмый торган коллектив. Аларның репертуарында бүгенге көндә 35 спектакль уйнала, ел саен 7-8 премьера чыгаралар. Быел гастрольләргә алып киләчәк спектакльләре дә төрле зәвыклы тамашачыга исәпләнгән:  

- Фәтхи Бурнашның “Яшь йөрәкләр” (режиссер – Зиннур Сөләйманов. Бу спектакль турында “иске авыздан яңа сүз” дип буладыр.  

 - Хайнер Мюллер һәм Еврипид текстлары буенча “Медея: материал” мифы (режиссер – Эдуард Шахов)  



    ХХI гасырда миф телендә сөйләшмәгән театр бармы?  

- Зифа Кадыйрова әсәре буенча “Синсез килгән язлар” (режиссер – Лилия Әхмәтова) 

 Зифа Кадыйрова прозасын сәхнәдә күрергә теләүчеләр өчен менә дигән форсат. Фәридә Вәгыйзь кызы бу спектакльгә тамашачы зал тутырып килер, ди.  

- Туфан Имаметдинов һәм Равил Сабыр тексты буенча “Тынлыкта гына урын бар” (режиссеры – Туфан Имаметдинов) 


Сүзсез диярлек спектакль, диләр. Вербаль булмаган коммуникация телендә аңлаша алу сәләтен югалтмадыкмы әле? - Спектакль шушы сорауларга җавап эзли.  

- Илгиз Зәйниевнең “Хыял йорты” (режиссеры – Илгиз Зәйниев) 

          Хәзерге заман комедиясендә нәрсәләрдән көләләр?  

- Жан-Батист Мольерның “Әҗәлгә дару бар, диләр...” (Режиссеры Елена Кузина) 

         Ә элекке заман комедиясендә?  

         - Мең дә беренче кичә (автор һәм режиссер – Илгиз Зәйниев)  

         “Хатын-кыз яраткан кешесенә генә әкият сөйли...” дип чакыралар. Җырлы-биюле тамашада хәзерге заманның Шаһрезадәсе белән Шәһриярының мәхәббәт тарихы чыннан да әкият кенәме?  

     

          Быел Әлмәт театры 75 еллык юбилеен билгели. Юбилей чарасы октябрь аена билгеләнгән.  

                                                                                   
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан