​Лианабыз –хоккей буенча Россия җыелма командасы уенчысы


Бөтентатар хатын-кызлары оешмасы «Ак калфак»ның Актанышта узган күчмә утырышы һәр көне, һәр сәгате белән шаккаттырды дисәм дә ялгыш булмас. Кемнәр белән генә очрашмадык, кемнәр белән генә аралашмадык!.. Туган авылым Иске Байсар мәдәният йортының фойесында, әнә, авылыбызның асыл затлары фотолардан елмая. Хуҗалык җитәкчесе, Россия авыл хуҗалыгының атказанган хезмәткәре Рәүхәт Салихҗанов, язучы Вахит Имамов, баянчы Фәнис Гыйльметдинов, Минзәлә театры актрисасы Эльмира Хәйриева, психолог Айсылу Нәгыймовалар... Ә менә авылдашыбыз, яшьләр арасында Россия хатын-кызлар хоккей җыелма командасы уенчысы, Ухтаның “Арктик-Университет” хоккей командасы капитаны Лиана Ганиева очрашуга үзе дә килгән! (Безнең өчен ул тимердән бизәкле капкалар ясау остасы Альберт кызы!) Медальләре, вымпеллары, мактау грамоталары тезелеп тора! 2015 елда яшьләр арасында хатын-кызларның алкалы хоккей буенча Дөнья Чемпионатында иң яхшы уенчы дип табылды Лиана! Чемпионатның бронза призеры булды!

Шаян телле, бик тере һәм кыю, үзеннән оптимизм бөркелеп торган ут бөрчәсе 19 яшьлек Лиана белән аралашканда, аның өчен дә истәлекле булган бер кызык вакыйганы искә төшердем.
Хоккей җанатарлары хәтерлидер: Чехия командасы белән уйнаганда, безнең кызлар беренче матчта ук 3:1 исәбе белән җиңде. Американнар җиңүчеләр хөрмәтенә... Михаил Глинканың “Патриотик җыр”ын куйдылар. Россия гимнын яңгыратасы урында! Әйе, монысы да кайчандыр безнең гимн иде анысы... Безнең хоккейчы кызлар хөрмәт йөзеннән музыкаль әсәрне ахырынача тыңлап бетерделәр. Аннары капитан ассистенты Полина Болдырева, ник хәзерге гимн яңгырамый дип, оештыручылар янына йөгерде! Американнар тәки табалмады. Кызларыбыз югалып калмады: акапеллага Россия гимнын җырлады! Трибунадагы җанатарлар күтәреп алды! Безнең Лиана да шул командада иде...

фото: Алмаз Закиров

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 29 октябрь 2020 - 12:06
    Без имени
    Алланын кахаресе тошкэн нэрсэ ул сихерчелэр йорэк бэгерлэргэ утте алар ..тэмуг кисэулэре..узлэре ясый белмэгэне ясатып кайта белмэгэне улэ бетэ интт..ан ойрэнэ ..
    «Сихер бозды...»
  • 29 октябрь 2020 - 09:35
    Без имени
    Әдәби. Әсәр шундый була ул. Кайберәүләр көнаралаш гаибәт язалар да, оялмыйча хикәя дип куялар. Укыган, талантлы кеше язган әдәби әсәр ичмасам. Рәхәтләнеп укыдым. Ике авыл хатыны көтү куганда сөйләшеп торган гаибәт тибындагы нәрсәләрне чыгармасагыз яхшы булыр иде. Менә шушындый әсәрләр чыгарыгыз!
    Умырзая
  • 29 октябрь 2020 - 17:45
    Без имени
    Уйлый белмилэрдер, Уйлый белсэлэр энилэре бауга менмэс иде.
    Үкенечләр - урман...
  • 29 октябрь 2020 - 20:22
    Без имени
    Аллага тапшырдык донья ни кадэр рэхэт булса да кешелэр каты бэгъерле
    Үкенечләр - урман...
  • 29 октябрь 2020 - 21:32
    Без имени
    Сез нигэ балаларын гына гаеплисез олы кешенен акылыда китергэ момкин бит Белмичэ кешегэ гаеп ташламагыз елауларында гаепкэ алмагыз узегезне алар урыны на куеп карагыз башта
    Үкенечләр - урман...
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...